Bakaanelabu 10:22 - Jola-Kasa

²² Kánayinaabuku li koonool: — Li kajawaku kata anahaanawu ata kusollaaliyaku an koonemuu Kooluney, jibilume. Lakankaan an acole, ákoliye Ateemit ban Kusuwifaku feh kulobelob majake kuya li akila. Amalaka ata Ateemit aane Kooluney áboñul bukan kubil kooni ujow boot boola, min ajanten kulimaku kan ommuu li ulobool.

Bakaanelabu 10:22 Referencias Cruzadas

Máciya 1:19

Emmuu Suseef aŋesumuu Mali boot huyab lakankaan an acole, afañut akajenool kajaw hákil ésukayi feh. Muñeˈe li afañeen min kukatoo li Mali an bahaasut.

Máciya 2:12

Fúlum tó, Ateemit li alobiil li sísaahut aaniil jakum kulaañ boot bata Elod. Li kuŋa’ bútin bakee min kulaañ boot booliil.

Maak 6:20

Li mal̥egenamu, Elod lákolikoli Saŋ, ban lahaase aan Saŋ lakankaan an acole ban li anab. Okila humumool anaake afooy Saŋ. Nanoonan nan Elod ajantene kulimaku kata Saŋ Batiis, buyinumool li búguul̥oo. Bale li anaak ajantenool li ésuumansuum ló.

Maak 8:38

Li mal̥egenamu, an asuuwommuu ban li asuu foof kulimaku kúmbaam hákil bukanabuku káyinenutumuu li Ateemit ban li kunaak kuhoofoo, ínje Añool-An fan isuuwool foof nan emmuu li ibil li máyiineniyamu mata Atuubawom, mánoboolulo li kumalakaaku kanabaaku.

Hulimahu Hásuumaahu loon Lík akiic homuu 2:25

Muñeˈe li baj Yeelusalem ánayine akee an koone Simiyoŋ. Simiyoŋ lakankaan an acole ban li átuul Ateemit. Li alako banaak anawu ammuu li afaken Isilayeel. Buyinumabu Banabaabu bulakolako li akila.

Hulimahu Hásuumaahu loon Lík akiic homuu 23:50

Muñeˈe li baj ánayine akee an koone Suseef áfulumulo li ésuk yakee yata Kusuwifaku yaaneyi Alimate. Suseef li akaan ánayine asúume ban li acol. Li Hujojahu háamakahu hata Kusuwifaku lalakowe.

Hulimahu Hásuumaahu loon Lík akiic homuu 9:26

Li mal̥egenamu, an asuuwommuu ban li asuu kulimaku kúmbaam, ínje Añool-An fan isuuwool, nan emmuu li ibil li máyiineniyamu múmbaam, li mata Atuubaawu, li mata kumalakaaku kanabaaku.

Hulimahu Hásuumaahu loon Saŋ akiic homuu 13:20

Li mal̥egenamu fan ilobuul: an ayabumuu boola an an iboñe, ínje humumom foof layabe boola, ban an ayabommuu boola, anawu áboñulommuu foof layabe boola.»

Hulimahu Hásuumaahu loon Saŋ akiic homuu 17:20

— Il̥awut boot li buko baleyiil, bale foof boot li káamimuu li kubil kúyinen lí ínje mata bawaaleyelabu booliil búji.

Hulimahu Hásuumaahu loon Saŋ akiic homuu 17:8

Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Hulimahu Hásuumaahu loon Saŋ akiic homuu 6:63

Buyinumabu bata Ateemit busenemuu buloŋ. An humumool ayilaat akaan wahoowah. Kulimaku kan ilobuulumuu, ko kusenemuu Buyinumabu Banabaabu, li buloŋabu.

Hulimahu Hásuumaahu loon Saŋ akiic homuu 6:68

Simoŋ Fiyeel li aanool: — Amaaŋen kama bata ayi jommuu li jijow? Lubaje kulimaku kasenemuu buloŋabu bábaneliitumuu.

Bakaanelabu 10:2

Kooluney lakankaan an áyinene ban li ákoli Ateemit, okila li butoŋool. Lanaanaak alamben ŋáa’ kusukateenabuku kata kusuwifaku, ban li anaak al̥aw nanoonan Ateemit.

Bakaanelabu 10:21

Mal̥egen Fiyeel li áwalowul ajow boot tan kánayinaabuku kulakomuu min aaniil: — Injé emmuu anawu an jiŋesemuu li akila. Wáa újiwuul li jibil?

Bakaanelabu 10:30

Kooluney li aanool: — Baje muñeˈe kunak kúhaaji, tinak bakel̥e, li ewaatuwayi inye yanolayi, li ilako kal̥aw Ateemit búmbaam. Nan ilakomuu kal̥awaku, ánayine akaanowe wañ waleñe li ayaan abil ayito hákilom.

Bakaanelabu 10:33

Muñeˈe li iyaan iboñ bukan kujow kúhooñuli, ban mo foof lukaanumuu jak min ubil. Muñeˈe ololaal feh ummuwaal taate hákil Ateemit, boot bajanten wahawu feh wan Amaaŋenawu áboñulimuu boot ubil úloboli.

Bakaanelabu 10:6

Fiyeel bata ánayine akee an koone Simoŋ aloke ubaŋ, lawalene. Eluufayi yata ánayinaawu ummu bata katantaku kata halahu yoom.

Bakaanelabu 11:14

Fiyeel fan alobi kulimaku kan Ateemit ammuu li áfakenumi, awu li butoŋabu booli feh.»

Bakaanelabu 22:12

«Li baj li ésukayi inyu ánayine akee an koone Ananiyaas. Ananiyaas li akaan an áyinene ŋáa’, ban li anab li eluwaayi feh kata Damaas li kunaak kulob majake bale kuya li akila.

Bakaanelabu 24:15

Liyaakaayaakaal li Ateemit loon buko foof kuyaakaalumuu li Ateemit kaanaku anoowan, acol, acolut, aketumuu fan abil ayitowumul li eketayi.

Bakaanelabu 6:3

Wahawu unwu újimuu, kútuyoli, jil̥us li bukuluul kánayine hutok li kúl̥uba. Fan kulako bukan kan ésukayi éwooluwe, bukan kan Buyinumabu Banabaabu bóomi li buko ŋáa’, ban li kújallo, min ukataaliil bulokabu umbu.

Kata Lom 1:17

Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

2 Kata Koolent 5:18

Wahoowah feh li Ateemit ubilumulo. Okila akaanumuu min ubajaal hujamool li akila humum hata Kilisita, ban li asenolaal bulok bata kakaan bukanabuku min kajamoo li akila.

1 Tímote 3:7

Laate foof alako an, an bukanabuku káyinenutumuu li Yéesu kulobe majake kuya li akila, jakum bil ésukayi ebesool, mantee foof li alo li embaalayi yata Sayitaane.

Eébulo 10:38

Ateemit li aan: «Anawu úmbaam acolumuu, fan áloŋum li káyinen, bale añakumuu alaañ búsol, let ibaj ésuumansuum li akila.»

Eébulo 11:2

Káyinen kújimuu bukanabuku kata naanaŋ li kubaj buloŋ básuume Ateemit.

Eébulo 12:23

Bukuluul jijowujow jikooj foof huwoogahu hata bañiilabu bátinaalabu, ban ujawawu wooliil ukiicimuu li emitayi. Jikokkooj Ateemit ammuu atiibaawu ata bukanabuku feh li ata uyinumawu wata kacolumuu, kajeˈe kukaanumuu bukan kúliiŋe.

2 Fiyeel 3:2

Lifañe min jiwayil̥o kulimaku kan kufulofetaku kooluul kulobumuu foof.

3 Saŋ 1:12

Bale Démetiliyus ésukayi feh elollob majake eya li akila, ban mal̥egenamu mammuu li akila mujukijuk li buloŋabu boola. Alóli húmumoli foof jilollob majake jiya li akila, ban luhaase oon áloli wahawu wan jilobemuu mal̥egen.

Búhiisenumabu 14:10

fan kuhob foof bunukabu bata etindihuuñayi yata Ateemit. Bunukabu umbu búsinfuti, ban li buyoŋeni li ejunkayi yata etindihuuñayi yáamakayi yata Ateemit. Bukanabuku umbuku kahobumuu bunukabu fan kúlaam ŋáa’ li hásufaahu hata sambunasu li hata batolokabu básoyiyaabu, hákil kumalakaaku kanabaaku li Agálalaanawu.