Bakaanelabu 10:15 - Jola-Kasa

¹⁵ Hulimahu li hulaañen hoonool: — Jakum ujok wah wan Ateemit aane ujaajak, loon ujakut.

Bakaanelabu 10:15 Referencias Cruzadas

Máciya 15:11

Inti wah wan an atiñe, wo woote úji li eeni lasikosiko hákil Ateemit, bale wahawu wáfulumulemuu li butumool.

Maak 7:19

Mata mutiñamu man atiñumuu let munoken li buyinumabu boola, bale fan mujow li halahu hoola, ban li ajow mo li siŋam. [Li kulimaku unku Yéesu áanummuu mutiñaayamu feh mujaajak hutiñ.]

Bakaanelabu 10:16

Li ajam hulimahu ñoono ñáhaaji, ban wahawu wanokoomuu loon kahul li uyaan úlaañetumi boot haatiya emitayi.

Bakaanelabu 10:28

Fiyeel li aaniil: — Jihaase joon bútinabu bata Kusuwifaku búhihhi min asuwif kujokoo hubuke li an alet asuwif, mantee foof li anoken boola. Bale ínje Ateemit láhiisonhiis kaanaku eetut ijok an loon ajakut, mantee foof loon asetut.

Bakaanelabu 11:9

Hulimahu li hulaañen hujami búl̥ubut li emitayi. Li hoonom: «Jakum ujok wah wan Ateemit aane ujaajak loon ujakut.»

Bakaanelabu 15:20

Bale ukiicaaliil min oonaaliil jakum kutokoñ eliw yata sínuukuleŋ san kákaanumutumuu li Ateemit balewool kusilaye mata esikosiko, jakum an áfulo an an kuyabowut, ban jakum kutokoñ sínuukuleŋ sakuumi min siket, jakum foof kutiñ húsim.

Bakaanelabu 15:29

jakum jitokoñ eliw yata sínuukuleŋ san kákaanumutumuu li Ateemit balewool kusilaye; jakum jitiñ húsim, jakum jitokoñ sínuukuleŋ sakuumi min siket; jakum an áfulo an an kuyabowut. Jikatumuu wahawu unwumaa, jikaane jak. Jisaafuluul ŋáa’!»

Bakaanelabu 15:9

Ateemit ajokutiil kúbuti li alolaal, mata li káyinen lágiilenummuu uyinumawu wooliil.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

Kata Lom 14:20

Jakum hutiñ wah hújiyi li ukajen bulokabu bata Ateemit. Mal̥egen mutiñaay manooman mujaajak hutiñ, bale jakut min an atiñ wah waate úji an li alo li kahoofoo.

1 Kata Koolent 10:25

Jiyilo jitiñ eliw yanooyan feh yan kújulaye li malise, ban jakum jigel̥l̥enoo bay eliwayi inyu ebilumulo, jakum bil an abaj to kayinoo kakee.

Eleetalayi yan Fool akiicumuu Tit 1:15

Wahoowah feh useeset boot li bukanabuku kanabumuu. Bale bukanabuku kasikomuu ban li kuhoy báyinen, boot li buko bajut wah wasete, mata butuukowabu booliil busikosiko, uyinumawu wooliil foof li usiko.

Búhiisenumabu 14:20

Li kuŋa’ kootiil min kul̥unf ébiiñayi li buyinjaayabu tíyaŋ ésukayi. Húsim li húfulumul li buyinjaayabu, min humeeŋen to hujow hútij efilinjebe li butum, ban húsimahu li hutey loon kayelen jow yili baj síkilomeet síteemeel síhaaji.