Bakaanelabu 10:1 - Jola-Kasa

¹ Bajeene li ésukayi yaaneyimuu Sesaale anahaan ata kusollaali téemeel kata Lom, an kunaake koon Kooluney. Akila aakenumuu kayooŋaku kata kusollaaliyaku kata Lom kan koonemuu «Kayooŋ Itali».

Bakaanelabu 10:1 Referencias Cruzadas

Máciya 27:27

Muñeˈe kusollaaliyaku kata Filat li kújowetum Yéesu boot li eluufayi yata águubelunaalawu. Húmimahu hata kusollaali kaaku feh li hubil húguutool.

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Maak 15:16

Muñeˈe kusollaaliyaku li kújowetum Yéesu boot li ekaakayi yammuu kata láala eluufayi yata águubelunaalawu, ban li kúhooñul húmimahu hata kusollaali kaabuku feh.

Hulimahu Hásuumaahu loon Lík akiic homuu 7:2

Li baj Káfeenawum anahaan ata kusollaali kata Lom abaje aloka an ábooliye ŋáa’. Alokaawu li ásomut boot eket.

Hulimahu Hásuumaahu loon Saŋ akiic homuu 18:12

Húmimahu hata esollaaliyayi boot li anahaanawu ooliil ló, li kufooyaabuku kata Kusuwifaku, li kujok Yéesu ban li kujenkool.

Hulimahu Hásuumaahu loon Saŋ akiic homuu 18:3

Muñeˈe Sudaas li aŋa’ húmim hata kusollaali li hata kufooya kan huhaanaahu hata élambaayi li Kufaaliisiyeŋaku kusenool, min kujow boot bata etoolayi. Ujunko kookene, li sihiitum li kúlaañaañ.

Bakaanelabu 10:24

Li kúliiŋ li ésukayi yan koonemuu Sesaale, li hunakahu hanabumuu li ho. Kooluney okila to li banaakiil. Li áhooñul bukanool, li kubukewool kata húkow.

Bakaanelabu 21:31

Nan kulakomuu huŋesahu boot min kumuk Fool, bukan li kujow kulob anahaanawu ata kayooŋaku kata esollaaliyayi yata kata Lom koonool ésukayi yata Yeelusalem éguul̥oole feh.

Bakaanelabu 21:8

Li líiŋ hunak hukaten, li jilaañen jijow boot Sesaale. To untu, li jinoken li eluufayi yata Fílib ammuu awaaleya ata Hulimahu Hásuumaahu, min jilako boola. Fílib buko kommuu bukanabuku hutok li kúl̥ubaaku kan kul̥usumuu Yeelusalem.

Bakaanelabu 22:25

Bale, nan kukokoolumuu kuban boot min kutekool, Fool li agel̥l̥en anahaanawu ata esollaaliyayi alako tomuu aanool: — Mantee jibaje kakaañen min jitek an ata Lom akila batiiboluti?

Bakaanelabu 23:23

Fúlum tó, anahaanawu áamakawu ata esollaaliyayi li áhooñul kunahaan kúl̥uba kata kusollaali téemeel min aaniil: — Jiwoogen kusollaali síteemeel síl̥uba, li kusollaali kúyii kúhaaji li kuŋen kalemboole li sifilinjebe, li kánayine koono síteemeel síl̥uba kajunkowume ubaay, ban li jifale foofuul feh boot ejow boot Sesaale kátiim, ewaatuwayi etoken li ebakiilenayi báliiŋe.

Bakaanelabu 23:33

Nan kusollaaliyaku kúliiŋumuu Sesaale, li kusen águubelunaalawu eleetalayi, ban li kukat Fool li kuŋenool.

Bakaanelabu 25:1

Nan águubelunaalawu Fésitiis áliiŋulumuu li etaamayi ajow abaj kunak kúhaaji bale, li ájowum Sesaale boot Yeelusalem.

Bakaanelabu 25:13

Li baj kunak, áyiiyawu Agilifa buko li áliinool Beleniis li kujow boot Sesaale basaaf Fésitiis.

Bakaanelabu 27:1

Nan jeˈe lakomuu boot min jíjowum li ébato boot Itali, li kukat Fool li bukan kukee kan kukul̥e, li kaŋen kata anahaan ata kusollaali an koone Súliyis, ata kayooŋaku kata esollaaliyayi yata áyiiyawu áamakawu ata Lom.

Bakaanelabu 27:31

Bale Fool li alob anahaanawu ata esollaaliyayi li kusollaaliyaku aaniil: — Bukanabuku umbuku kufañutumuu kulako li ébatowayi, bukuluul let jiban li jiyili jifakeni.

Bakaanelabu 27:43

Bale anahaanawu ata esollaaliyayi ata Lom, li afañ min afaken Fool, li aaniil kukat. Ban li alob bukanabuku kayilimuu kawaj min kujand kufum kulo li malamu, min kuwaj kúfu’ li masaye.

Bakaanelabu 8:40

Muñeˈe Fílib li ajuk aan li ésukayi yaaneyimuu Asot laam. Fúlum tó, li añaahoo li sísukasu min anaak awaale Hulimahu Hásuumaahu tanootan, boot yok nan áliiŋumuu Sesaale.