2 Tímote 1:8 - Jola-Kasa

⁸ Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 1:8 Referencias Cruzadas

Maak 8:38

Li mal̥egenamu, an asuuwommuu ban li asuu foof kulimaku kúmbaam hákil bukanabuku káyinenutumuu li Ateemit ban li kunaak kuhoofoo, ínje Añool-An fan isuuwool foof nan emmuu li ibil li máyiineniyamu mata Atuubawom, mánoboolulo li kumalakaaku kanabaaku.

Hulimahu Hásuumaahu loon Lík akiic homuu 9:26

Li mal̥egenamu, an asuuwommuu ban li asuu kulimaku kúmbaam, ínje Añool-An fan isuuwool, nan emmuu li ibil li máyiineniyamu múmbaam, li mata Atuubaawu, li mata kumalakaaku kanabaaku.

Hulimahu Hásuumaahu loon Saŋ akiic homuu 15:27

Ban bukuluul foof fan jilob bukanabuku múmbaam, mata nan ítoŋumuu bulokabu búmbaam boot muñeˈe, bukuluul jumbuku lí ínje.»

Hulimahu Hásuumaahu loon Saŋ akiic homuu 19:35

Anawu alobuulumuu mata wahawu unwu wabajumuu lajuujuk wo li kúkilool, ban ulakolako wata mal̥egen. Okila humumool lahaase jak aan wahawu wan alobumuu mal̥egen, mantee bukuluul foof li jíyinen.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

Kata Lom 8:36

Loon Bakiicelabu bulobumuu: «Awu újimuu áloli li jinaak jimuki li etihunakaayi feh, li kúkaanoli loon kúgalalaan kan kujowe boot jálaamul.»

Kata Lom 9:33

loon Bakiicelabu bulobumuu: «Boot min ikaan li ésukayi yata Siyoŋ huyitik dán bukanabuku kóomi li kunaak kujonten, húlankiin hájiye bukanabuku li kunaak kulo. Bale an áyinenumuu li ho, let áyeko.»

1 Kata Koolent 1:6

Kulimaku kalobimuu mata Kilisita kubabbaj sembe li bukuluul.

2 Kata Koolent 6:7

Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 3:13

Mó mújimuu, ínje ummu li kaanuul jakum jíyeko mata min emmee li sílaam boot li bukuluul. Sílaamasu unsu so sommuu máyiineniyamu mooluul.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

1 Kata Tesalonik 3:4

Li mal̥egenamu, nan jilakomuu booluul, jilobuulob jikat to joonuul fan kúlaamenolaal. Wahawu unwu ubajumuu foof, ban bukuluul jihaase.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

2 Tímote 1:10

ban muñeˈe li ebilayi yata Afakenaawu oololaal Yéesu Kilisita láhiisolaamuu kájiyaku unku. Okila aheekumuu eketayi, ban li ájowum li Hulimahu Hásuumaahu min áhiis set waa wommuu buloŋabu li waa wommuu eniil yayilaat ekajen.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 2:3

Uláam sílaamasu sammuu sooli, loon asollaali abaaŋ ata Yéesu Kilisita.

2 Tímote 2:8

Uwayil̥o Yéesu Kilisita ayitowulomuu li eketayi, áamimuu bubukoolum bata Ayíiyawu Dayit, loon Hulimahu Hásuumaahu han iwaaleyemuu hulobumuu.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

2 Tímote 4:5

Bale awu, jakum uwuuhen li wahoowah. Umúñ sílaamasu. Ukaan bulokabu bata awaaleya ata Hulimahu Hásuumaahu, ban li ukaan bulokabu feh ban Ateemit asenimuu kakaan.

1 Fiyeel 1:5

Wahawu unwu feh boot li bukuluul, jan Ateemit afooyemuu li sembaasu soola humum hata káyinenaku, boot li kafakaku kooluul, kaano tomuu boot min bil Ateemit áhiis ko li hunakahu húbanumahu.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 1:2

Saŋ li alob bukanabuku wahawu feh wan ajukumuu. Li aan li mal̥egenamu laalu hulimahu hata Ateemit, ban Yéesu Kilisita láhihhiis kaanaku wahawu unwu mal̥egen.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.