2 Tímote 1:7 - Jola-Kasa

⁷ Li mal̥egenamu, Ateemit asenutolaal Buyinum bata ekole, bale Buyinum bata sembe, bata húbooli li bata hujokoo lasenolaal.

2 Tímote 1:7 Referencias Cruzadas

Hulimahu Hásuumaahu loon Lík akiic homuu 10:19

Jijanten, lisenuusen sembe sata min jíjowum li sinuukayila, li sil̥anguu, min jiheek sembaasu feh sata alatoolaawu. Ban wahoowah wajakut let ubajuul.

Hulimahu Hásuumaahu loon Lík akiic homuu 15:17

Muñeˈe añiilawu li ajuke to buloŋabu boola jow fit, li aan li buyinumool: «Kulokaabuku feh kata atuubawom kutiñetiñ kufooñ jow saŋo. Bale ínje ummu li eket taate li bucaa.»

Hulimahu Hásuumaahu loon Lík akiic homuu 24:49

Ban ínje humumom fan íboñuluul wahawu wan Atuubawom aanumuu fan asen wo. Bale jilako li ésukayi boot yok nan sembaasu sata haatiya sommuu li síwalowul sibil silako li bukuluul.

Hulimahu Hásuumaahu loon Lík akiic homuu 8:35

Bukanabuku li kúfulul kubil bajukabu bata wahawu wabajumuu. Nan kúliiŋulumuu tan Yéesu alakomuu, li kujuk ánayinaawu an uyinum wajakutumuu úfulummuu li okila, mabahe li kootaku kata Yéesu ban li akaano wañ, ban okila mágiilowe. Ekole li ejokiil.

Hulimahu Hásuumaahu loon Saŋ akiic homuu 14:27

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 21:13

Bale Fool li aan: — Wáa újiye li joono li jíl̥ok min jóomi li huŋes kakaanom íyeko? Injé lísingene inti mata min ijenki bale, bale foof min iket Yeelusalem humum hata kajawaku kata Amaaŋenawu Yéesu.

Bakaanelabu 26:11

Linaanaak ijow ñameeŋe li siluufasu feh sata kal̥awaku min ikaan min kutekiil, ban li ituuŋiil koon kúyinenut li Yéesu. Li il̥eetiil bil gay, li inaak ijow ílaateniil boot yok li sísukasu foof sata tíyaŋ.

Bakaanelabu 26:25

Fool li aan Fésitiis: — Ahaanawu, iwelut. Kulimaku kan ilobumuu mal̥egen, ban inti bul̥uuhoo.

Bakaanelabu 6:8

Emmuu Ecen lababbaj káji káamak hákil Ateemit li sembe, li anaak akaan wah wájaahaleniye ŋáa’ li búhiisenum báamak hákil ésukayi.

Bakaanelabu 9:22

Bale bawaaleyelabu bata Sóol li bunaak buhaŋ mabaj sembe. Kusuwifaku.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:15

Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

1 Kata Koolent 2:4

Ban kulimaku kúmbaam li bawaaleyelabu búmbaam bukaanuti li kulim kacole kata bújallo bata ál̥ahukowan, bale li búhiisenum bata sembaasu sata Buyinumabu bata Ateemit.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Kolos 1:8

Lálobolilob mata húbooliyahu han Buyinumabu busenuulumuu.

Eébulo 2:15

Mo foof láfakenummuu bukanabuku kan kákoliyaku kata eketayi kukaanumuu kulako emiikeel li buloŋabu booliil feh.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Saŋ 4:18

Ekole elet li húbooli. Bale húbooli hata mal̥egen húfulenefulen ekole. Mó mújimuu, húbooli hata mal̥egen hulet li an abaje ekole, mata ekole lanaboolenaboo li katek.