2 Kata Koolent 7:8 - Jola-Kasa

⁸ Li mal̥egenamu, maayeet min eleetalayi yan ikiiculuumuu ekaanuumuu buyina, jíwutom li ijok li ehaaseen. Lijokenjok li ehaaseen nan ijukumuu kaanaku eleetalayi inye ekaanuukaan buyina, maayeet min kite eenimuu fiyowut.

2 Kata Koolent 7:8 Referencias Cruzadas

Hulimahu Hásuumaahu loon Saŋ akiic homuu 16:6

Bale min ilobuul momuu, wahawu unwu újimuu li jíyiyenoo.

Hulimahu Hásuumaahu loon Saŋ akiic homuu 21:17

Yéesu li alaañen agel̥l̥enool búhaajut aanool: — Simoŋ, awu ata Saŋ, lufañonfañ? Li jok Fiyeel ŋáa’, mata Yéesu lalaañenlaañen agel̥l̥enool búhaajut aanool: «Lufañonfañ?» Fiyeel li aanool: — Amaaŋen, awu jahaasumuu wahawu feh, luhaase oon lifañifañ. Muñeˈe Yéesu li aanool: — Ucookoo kúgalalaanaku kúmbaam.

2 Kata Koolent 7:11

Wahawu unwe buyinaabu banaboomuu li húnongumahu hata Ateemit bukaanuulumuu: Mo jikite jinaak jisommen li kakaan wah! Mo jikite jiyili kacahenoolo! Mo wah wacolut ukite unaak ukaanuul etindihuuñ! Mo jikite jíkol̥l̥i! Mo jikite jifañ min jijukom! Mo jikite jihanken li kakaan macole! Mo jikite jifañ min wah wacolut ubaj katek! Bukuluul jíhihhiis li wahawu feh, kaanaku utumuul ulet bo li elobayi inye.

2 Kata Koolent 7:12

Min ikiiculuulumuu let mantee anawu atilumuu ájiye, let foof mantee anawu an kutilumuu li akila ájiye, bale boot min íhiis set hákil Ateemit, kahankenaku kan jibajumuu boot li áloli.

2 Kata Koolent 7:6

Bale Ateemit awankulenemuu bukan káyekowe, láwankulenoliwankulen li ebilayi yata Tit.

2 Kata Koolent 7:7

Ban inti ebilayi yata Tit bale éwankulenoli, bale min álobolimuu buu bukuluul jiwankulenoolumuu eeno akila humumool. Lálobolilob buu bukuluul jifañumuu ŋáa’ min jilaañen jijukom. Li áloboli foof mata jíl̥okoolaju jooluul, li buu jibajumuu káyikil̥o kata kalaañ búmbaam hákil kulatoolawom. Wahawu unwu feh ukaanonkaan min ihaŋ mabaj ésuumahukow.

2 Kata Koolent 7:9

Bale muñeˈe ínje ummu li ésuumansuum, ban inti mata min ikaanuulumuu buyina jíye, bale min buyinaabu bújiwuulumuu li jítiiwo jibet búsol buloŋabu booluul bajakutumuu, min jibaj buloŋ buwunkul. Buyinaabu booluul bunannab li húnongumahu hata Ateemit. Wahawu unwu újimuu, áloli jikaanutuul majakut manooman.

Búhiisenumabu 3:19

Injé fan italen ban li icolen bukanabuku feh kan ifañumuu. Mó mújimuu, loote ukaan manooman, min útiiwo uŋa’ buloŋ buwunkul.