2 Kata Koolent 7:7 - Jola-Kasa

⁷ Ban inti ebilayi yata Tit bale éwankulenoli, bale min álobolimuu buu bukuluul jiwankulenoolumuu eeno akila humumool. Lálobolilob buu bukuluul jifañumuu ŋáa’ min jilaañen jijukom. Li áloboli foof mata jíl̥okoolaju jooluul, li buu jibajumuu káyikil̥o kata kalaañ búmbaam hákil kulatoolawom. Wahawu unwu feh ukaanonkaan min ihaŋ mabaj ésuumahukow.

2 Kata Koolent 7:7 Referencias Cruzadas

Máciya 26:75

Li awayil̥o hulimahu han Yéesu alobool nomuu aanool: «Fan uceeŋ oon luhaasonhaas ñoono ñáhaaji tówum káyin kul̥ok.» Li áfulul tíyaŋ alako bo jíl̥ok jáamak.

Máciya 5:4

Awólo, káamimuu li jíl̥ok, mata Ateemit fan abil átintimbeniil.

Hulimahu Hásuumaahu loon Lík akiic homuu 22:44

Kásabali li kujokool, li ahaŋ mahanken min al̥aw. Egeenayi yoola li enokoo loon kusot kata húsim kálowule teetaam.]

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Kata Lom 1:12

Wahawu wan ifañumuu ilob, wo wommuu ibilumuu booluul, li uyiliyaal úwankulenoolumaal li káyinenaku kan ubajaalumuu foofolaal.

1 Kata Koolent 5:2

Buyina booteene bujokuul, min jikesoo anawu ummu ákaanikoomuu áfu’ li bukuluul, bale jikaanut mo min bukuluul jinaak jiteben ubanduul.

2 Kata Koolent 1:14

maayeet min kite eenimuu muñeˈe bugeb bale jínaanumoli joon: li hunakahu hata ebilayi yata Amaaŋenawu oololaal Yéesu, bukuluul fan súumuul li áloli, loon áloli foof emmuu súumoli li bukuluul.

2 Kata Koolent 1:4

Látintimbenewolaatintimben li sílaamasu soololaal feh, bájum li uyiliyaal újowumaal li kátintimbenaku kan alolaal humumolaal ubajaalumuu li akila, min útintimbenaal bukanabuku kammuu li sílaam sanoosan.

2 Kata Koolent 2:9

Li mal̥egenamu, wahawu unwe újimuu li ikiiculuul: lifanfañ min iyoobuul min ijuk mantee fan jikaan wahawu feh wan ilobuulumuu.

2 Kata Koolent 5:2

Ban muñeˈe min oomaalumuu li eniilayi yoololaal yata baabe li etaam, alolaal ummuwaal li buyina báamak mata lúsiibowaasiibo ŋáa’ min Ateemit akaanolaal eniilayi yoololaal yata li emitayi.

2 Kata Koolent 7:6

Bale Ateemit awankulenemuu bukan káyekowe, láwankulenoliwankulen li ebilayi yata Tit.

2 Kata Koolent 7:8

Li mal̥egenamu, maayeet min eleetalayi yan ikiiculuumuu ekaanuumuu buyina, jíwutom li ijok li ehaaseen. Lijokenjok li ehaaseen nan ijukumuu kaanaku eleetalayi inye ekaanuukaan buyina, maayeet min kite eenimuu fiyowut.

2 Kata Koolent 8:16

Ateemit akaanumuu li buyinumabu bata Tit kahanken min alambenuul loon áloli, ajow asali.

Kata Fílib 1:20

Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom.

Kata Kolos 2:5

Maayeet min kite eenimuu ilet ínje humumom li bukuluul, bale buyinumom bumbu li bukuluul. Súumonsuum ŋáa’ min jibajumuu kajamoo, li min jítukumuu lit káyinenaku kooluul li Kilisita.

1 Kata Tesalonik 3:6

Bale muñeˈe, Tímote álaañumulomuu booluul, lálobolilob kulim kásuume mata káyinenaku kooluul li húbooliyahu hooluul. Li amit áanoli kama jiloŋe li jíwayil̥owoli jak, ban jifañe min jíjukoli, loon óloli foof jifañumuu min jijukuul.

1 Kata Tesalonik 3:8

Muñeˈe áloli jilaañene jiloŋ, mata bukuluul jítuutuk lit li Amaaŋenawu.

Eébulo 2:1

Wahawu unwu újimuu lootaale kama uhaŋaal makaan to uyinumolaal jak li kulimaku kan ujamaalumuu, jakum bil ulowaal li hújim.

Saak 5:17

Elí an lalakowe loon alolaal. Bale li ahanken min al̥aw jakum emitayi elaal, mal̥egen emitayi elaalut li etaamayi jow baj simit soono síhaaji li kul̥eeñ koono hutok li hano.

2 Saŋ 1:4

Súumonsuum ŋáa’ min ijukumuu kaanaku kukee li kuñooli, buloŋabu booliil bunannab li mal̥egenamu, loon Atuubaawu alobolaalumuu.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.