2 Kata Koolent 6:9 - Jola-Kasa

⁹ Li kújokoli loon bukan kan kuhaasut ban kúhaasoli feh; loon bukan káami li eket, ban fan jijuke, áloli jumbuku li buloŋ. Li kunaak kútekoli, bale let kúmukoli.

2 Kata Koolent 6:9 Referencias Cruzadas

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 19:26

Bale jijuke ban jijame wahawu wan ánayinaawu ummu an koonemuu Fool ammuu li kakaan. Mata lansaan kuteemitaku kan bukan kukaane, kulet kuteemit kata mal̥egen, min áji bukan kameeŋe li kúyinen li akila, let taate li ésukayi yata Efées bale, bale foof li etaamayi feh yata Aasi.

Bakaanelabu 25:19

Kama búwonnoo bale kubaje li akila mata bútinabu booliil, li mata akee an koone Yéesu akete, an Fool aane ummu li buloŋ.

Bakaanelabu 25:26

Ibajut wah wata mal̥egen wan éemi li ikiic min ilob áyiiyawu áamakawu moola. Mó mújimuu, li ikaanool alob hákiluul, háŋum hákili awu áyiiyawu Agilifa, bánum li agel̥l̥enooli min íbajum tó wah wan éemi li ikiic.

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

Kata Lom 8:36

Loon Bakiicelabu bulobumuu: «Awu újimuu áloli li jinaak jimuki li etihunakaayi feh, li kúkaanoli loon kúgalalaan kan kujowe boot jálaamul.»

1 Kata Koolent 11:32

Bale Amaaŋenawu latiibewolaatiib min acolenolaal, jakum bil ujowaal li sambun li mano li bukanabuku kata adunaayi.

1 Kata Koolent 15:31

Kutuyom, hunakoohunak lilakowelako li iket. Wahawu wan ilobumuu ulakolako mal̥egen loon foof súumonsuum li bukuluul mata bulokabu ban Amaaŋenawu oololaal Yéesu Kilisita ammuu li kakaanaku.

1 Kata Koolent 4:9

Li mal̥egenamu, lenseen kama Ateemit lákaanolikaan áloli kufootalaku li foof hákil bukanabuku.

2 Kata Koolent 11:6

Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 5:11

Alóli jihaase waa wommuu kákoli Amaaŋenawu, ban jumbuku li huŋes min jikaan bukanabuku min kútiiwo boot boola. Ateemit akila láhaasoli jak, ban lenseen bukuluul foof jihaasom jak li uyinumuul.