2 Kata Koolent 6:10 - Jola-Kasa

¹⁰ Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.

2 Kata Koolent 6:10 Referencias Cruzadas

Máciya 5:12

Esúumahukow yáamak elako li bukuluul, ban li jíbaaloo, mata bacaamabu booluul fan buluuk ŋáa’ li emitayi. Mata li mal̥egenamu, muñaˈa kunaake kúlaamenumuu kufulofetaku kalako to nomuu tówum bukuluul.

Máciya 5:4

Awólo, káamimuu li jíl̥ok, mata Ateemit fan abil átintimbeniil.

Hulimahu Hásuumaahu loon Lík akiic homuu 6:21

Awólo bukuluul jacaaletumuu muñeˈe, mata fan jibil jitiñ jifooñ! Awólo bukuluul jammuu li jíl̥ok muñeˈe, mata fan jibil jíl̥uu!

Hulimahu Hásuumaahu loon Saŋ akiic homuu 16:22

Mo foof bukuluul jommuu muñeˈe li káyiyenoo. Bale fan ilaañen ijukuul, min ésuumahukow elako li bukuluul, ban an let ayili áfulen yó li bukuluul.

Bakaanelabu 16:25

Nan hukahu hujeˈe hulitumuu, Fool buko li Silaas li kulako kal̥aw, ban li kunaak kukijen min kusal Ateemit. Bukan kaabuku kan kukul̥umuu li kulakoyiil bajanten.

Bakaanelabu 3:6

Muñeˈe Fiyeel li aanool: — Ibajut ehaaliis, ibajut éwulus iseni. Bale wahawu wan ibajumuu, liseni wo: li kajaw kata Yéesu Kilisita ata Nasalet, uyito ujow!

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Kata Lom 11:12

Ban nokoomuu loon hubajahu hata adunaayi hubilumbilum li bafetabu bata kusuwifaku, ban hubajahu hata bukanabuku kaletumuu kusuwif li hubilum li hulowahu hooliil, kama nan kusuwifaku foofiil feh kommuu li kufak, inti hubajahu fan huhaŋ maluuk?

Kata Lom 12:15

Jilako li ésuumansuum li bukanabuku kabajumuu ésuumansuum. Jil̥ok li bukanabuku kammuu li jíl̥ok.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 8:32

Akila afanutumuu akat bo Añoolool humumool, bale li abetool li eket boot mata ololaal foofolaal feh: buu emmuu nokoo let asenolaal wahawu feh boot li Añoolool ló?

Kata Lom 9:2

Buyinaabu bammuu lí ínje bululluuk ŋáa’, jilum jayilaat jiban jóomi li buyinumabu búmbaam.

1 Kata Koolent 1:5

Li mal̥egenamu, li hujamoolahu hooluul li Kilisita Ateemit asenumuulumuu hubaj hata káji kanookan, háŋum kata hulim hanoohan li kata kahaasemiñ kanookan.

2 Kata Koolent 2:4

Li mal̥egenamu, li muhuu ló likiiculuumuu mata ínje ummu li sílaam sáamak ban buyina báamak bookom. Let mantee min ikiiculuumuu boot kakaanuul buyina, bale boot min íhiisuul buu líbooliwuulumuu ŋáa’.

2 Kata Koolent 4:15

Li mal̥egenamu, wahawu unwu feh wan áloli jímuñemuu lí wó, jímummuñ wó mata bukuluul jíji, mantee kájiyaku kata Ateemit li kunaak kugo bukan kahaŋe mameeŋ, min kasalaku kan ésukayi esalemuu Ateemit kújowum to kuhaŋ maluuk, boot li máyiineniyamu moola.

2 Kata Koolent 4:7

Bale áloli jaakumuu hubajahu unhu, jinokoonokoo li siteefaay, min híis kaanaku sembaasu unsu saluukumuu sijow siwuuh sibilumut li áloli, bale li Ateemit.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

Kata Efées 3:16

Láyiineniyiineni ŋáa’ ban li abaj úsooniyen wáamak. Wahawu unwu újimuu lil̥awool mantee Buyinumabu boola li busenuul sembe min uyinumawu wooluul ulit.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Fílib 4:4

Jibaj nanoonan ésuumansuum mata min jommuu bukan kata Amaaŋenawu. Ilaañen ilob mo: Jibaj ésuumansuum.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

1 Kata Tesalonik 1:6

Jinannab li bakaanelabu bóololi li bata Amaaŋenawu mata jiyayyab hulimahu li sílaam sáamak, bale foof li ésuumansuumayi yan Buyinumabu Banabaabu busenemuu.

1 Kata Tesalonik 5:16

Jilako nanoonan li ésuumansuum.

1 Tímote 4:8

Kakaan min eniilayi elako li kásuumaay kubabbaj jáliŋ li wah watit, bale kátuul Ateemit kubabbaj jáliŋ li wahawu feh, mata kúŋaluleŋalul kásooniyen boot li buloŋabu umbe li boot li buloŋabu babilemaa.

1 Tímote 6:18

Ulobiil ooniil kukaan majake, ban li kubaj wah wajake wameeŋe wan kukaane. Ooniil kukaan bukan kásuume ban kubajumuu wah, li kugaboo wo li kaabuku.

Eébulo 10:34

Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

Búhiisenumabu 2:9

“Lihaase sílaamasu sooli li bugayabu booli” — bale li mal̥egenamu lukankaan an abaje. Lihaase kulimaku kajakutumuu kan bukanabuku kaanemuu Kusuwif koom ban kulet Kusuwif, kulobemuu kuya li awu. Bale bukanabuku umbuku koonosoono huwoog hata Sayitaane!

Búhiisenumabu 21:7

An ammuu abaj kaheekaku, fan atowo wahawu unwu. Injé fan ilako Ateemit oola, akila li alako añoolom.