2 Kata Koolent 10:7 - Jola-Kasa

⁷ Bukuluul jijuke wahawu loon woonomuu. An li bukuluul ayinoomuu li aan okila an ata Kilisita, alaañen ayinoo jak min ahaas aan: áloli foof bukan kata Kilisita joom loon akila humumool.

2 Kata Koolent 10:7 Referencias Cruzadas

Máciya 23:5

Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.

Hulimahu Hásuumaahu loon Lík akiic homuu 16:15

Yéesu li aaniil: — Bukuluul jikankaan bukan kajokoolowe loon bukan kacole joom hákil ésukayi, bale Ateemit lahaase waa wóomi li uyinumuul. Mata wahawu wan bukanabuku kuluukenumuu, Ateemit afañut wo maayeet.

Hulimahu Hásuumaahu loon Saŋ akiic homuu 7:24

Jakum jijukelum li buul min jitiib an. Bale jinaak jitiib col.

1 Kata Koolent 1:12

Wahawu wan ifañumuu ilob, wo wommuu unwe: li bukuluul akee fan aan: «Injé bata Fool lilaañe», aahu li aan: «Injé bata Afolos», aahu li aan: «Injé bata Fiyeel», akee foof li aan: «Injé bata Kilisita lilaañe».

1 Kata Koolent 14:37

An li bukuluul ayinoomuu li aan akila afulofet laam, mantee foof kulimaku kan alobemuu li Buyinumabu Banabaabu kubilumulo, laate kama ahaas aan wahawu wan ikiiculuulumuu, hulim hata Amaaŋenawu.

1 Kata Koolent 15:23

Bale anoowan labaje tan ayitomuu li kacaal̥aku: Kilisita ammuu átinaa li kayitowulaku li eketayi, ban bukanabuku kata Kilisita fan kuyitowumul li eketayi nan ammuu li álaañul.

1 Kata Koolent 3:23

Ban bukuluul Kilisita akiluul, Kilisita Ateemit li akilool.

1 Kata Koolent 9:1

Waa iyilaat ikaan wah wásuumom? Waa ilet afootal? Kama inti Yéesu lijukumuu ammuu Amaaŋenawu oololaal? Kama inti bukuluul jommuu bulokabu búmbaam li Amaaŋenawu?

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 11:18

Emmuu bukan kameeŋe kusaloolosaloolo humum hata bóono bata ál̥ahukowan, kama ínje foof boot min isaloolo.

2 Kata Koolent 11:23

Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 13:3

mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul.

2 Kata Koolent 5:12

Alóli jifañut min jilaañen jisaloolo áloli húmumoli hákiluul, bale jifañe min jisenuul bútin min jibaj ésuumansuum li áloli. To bukuluul jóotummuu jíbaj wah wan jommuu jiŋa’ min jitontu bukanabuku kasaloolowemuu mata wah wata ñajuko, min kukat bo wata kata láala buyinumabu.

Kata Galasi 3:29

Ban nokoomuu loon bukuluul bukan kata Kilisita joom, kama bukuluul jommuu bubukoolumabu bata Abulaham, ban bukuluul jommuu li jiyab wahawu wan Ateemit alobumuu kasen.

1 Saŋ 4:6

Bale alolaal bukan kata Ateemit loomaal. An ahaasumuu Ateemit fan ajantenolaal. An aletumuu ata Ateemit let ajantenolaal. Muñowu lóotumaalumuu uhaasaal Buyinum bay bulobemuu mal̥egen li bay bommuu buyinumabu bámalemuu.