2 Kata Koolent 10:6 - Jola-Kasa

⁶ Muñeˈe nan bukuluul jommuu li jítuul li mal̥egen kulimaku kan jilobuulumuu, áloli fan jitek bukanabuku feh kátuulut kómuu.

2 Kata Koolent 10:6 Referencias Cruzadas

Kata Lom 2:23

Awu asaloolowemuu mata min ubajumuu eluwaayi, wáa újiye li unaak uhuusul yo min usuuwen Ateemit?

1 Kata Koolent 4:21

Waa jihaŋe mafañ? Mantee ibil boot booluul li egol ló, mantee li húbooli ló li buyinum bájoobiye?

2 Kata Koolent 13:10

Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.

2 Kata Koolent 13:2

Lilobenlob mo nan ibilumuu booluul búl̥ubutabu, bale boot min ilaañen ilob mo muñeˈe, nan iletumuu li bukuluul eenuul: nan emmuu li ílaañul naana booluul, let íyiyen an li bukuluul,

2 Kata Koolent 2:9

Li mal̥egenamu, wahawu unwe újimuu li ikiiculuul: lifanfañ min iyoobuul min ijuk mantee fan jikaan wahawu feh wan ilobuulumuu.

2 Kata Koolent 7:15

Tit ajowumuu awayil̥o buu jítuuloolumuu foofuul feh li buu jiyaboolumuu booluul li ekole li kateelen ló, húbooliyahu han ábooliwuulumuu li huhaŋ maluuk.

1 Tímote 1:20

Li bukanabuku umbuku, Himene buko li Alekusandul kumbuku ló. Liŋaliiŋa’ ibet li kuŋen kata Sayitaane mantee li kuhaas koon kukat kúgel Ateemit.

3 Saŋ 1:10

Mó mújimuu nan emmuu li ibil, fan ilobuul majakutamu feh man akaanumuu, li kulimaku kajakutumuu kan alobumuu aya li alolaal. Bale wahawu unwu feh ufitutool: li ahoy bayab kutuyolaal kabilumuu, ban kafañeenumuu kuyabiil li amit áhiliil kúyabumiil, min akesooliil kúfu’ li ejanguwayi.