1 Tímote 6:6 - Jola-Kasa

⁶ Mal̥egen, kátuul Ateemit hubaj háamak boot li an, okila balewoole li wahawu wan abajumuu.

1 Tímote 6:6 Referencias Cruzadas

Hulimahu Hásuumaahu loon Lík akiic homuu 12:15

Yéesu li afamen aaniil feh: — Jijuke to ban li jíkaanum efanhubaj, mata buloŋabu bata mal̥egen bata an, bulet li ebajayi yoola, maayeet min akite abaj ŋáa’.

Hulimahu Hásuumaahu loon Lík akiic homuu 3:14

Kusollaali li kugel̥l̥enool foof koonool: — Olóli waa joote jikaan? Saŋ li aaniil: — Jakum jilam sídalam an, jakum jímal jiya li an, jijok to li bacaamabu booluul.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

2 Kata Koolent 4:17

Li mal̥egenamu, sílaamasu soololaal sata muñeˈe siyiiliyiili ban sifiyowut, bale so sommuu li síjiwolaal li ubil ubajaal máyiineni maluuke maluuk jow hah. Máyiineniyamu ummu mata boot nanoonan, ban muhaŋe ŋáa’ sílaamasu unsu.

Kata Fílib 1:21

Li mal̥egenamu, ínje buloŋabu bo bommuu Kilisita, eketayi hubaj húmbaam.

1 Tímote 4:8

Kakaan min eniilayi elako li kásuumaay kubabbaj jáliŋ li wah watit, bale kátuul Ateemit kubabbaj jáliŋ li wahawu feh, mata kúŋaluleŋalul kásooniyen boot li buloŋabu umbe li boot li buloŋabu babilemaa.

1 Tímote 6:8

Mo emmuu, ubajaalumuu hutiñolaal li wañ, li uluukenaal.

Eébulo 13:5

Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»