1 Tímote 6:5 - Jola-Kasa

⁵ búceeŋoolabu bábaneliitumuu bata bukanabuku kata uyinumawu wacolutumuu, kahaasutumuu mal̥egen. Kuyinooyinoo li koon kátuul Ateemit senesen hubaj.

1 Tímote 6:5 Referencias Cruzadas

Máciya 12:33

— Bunuunuken bujakumuu, ebukoolumayi yata bo foof fan ejak. Li bil nokoo loon bunuunuken bujakut, ebukoolumayi yata bo foof let ejak. Mata bunuunuken li ebukoolumool láhaasumeyi.

Máciya 21:13

Yéesu li aaniil: — Hulimahu hata Ateemit hoone: «Eluufayi yúmbaam fan ehooñi eluuf yata kal̥aw.» Bale bukuluul li jilaañen yo elako kawokaay kata ékuu.

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

1 Kata Koolent 11:16

An afañumuu min alaañen áwonnoo mata hulimahu unhu, ahaas aan áloli jibajut bakaane bakee, ban sijanguwasu sata Ateemit foof sibajut bakaane bakee.

2 Kata Tesalonik 3:6

Kutuyom, wahawu unwe jil̥awuul li kajaw kata Amaaŋenawu: jitey an li bukuluul afañut bulok, ban li ahoy baloŋ nab li makaanelamu man jiliikeniilumuu.

1 Tímote 1:6

Kukee kukaakat bo buloŋabu umbu bacolumuu min kulo li búwonnoo babajut jáliŋ bakaaniilumuu kújim.

1 Tímote 3:3

Jakum alako an ákaliyenoole mantee foof an ámuyitene bukan, bale laate akaan an ájoobiye buyinum ban li alako an abebene. Jakum lako an afañe sídalam ŋáa’.

1 Tímote 3:8

Kujaakulaku foof koote kulako bukan, kan ésukayi esuuwe ban jakum kulako bukan káhoolowe. Jakum kulako bukan kákaliyenoole, mantee foof bukan kaweelowe li sídalam.

1 Tímote 4:7

Uhoy ukoŋawu wákaaneliitumuu bukan kúyinen li Yéesu Kilisita, wammuu wata siñaakanasu saalaasu. Ukankaanoo min unaak útuul Ateemit.

1 Tímote 4:8

Kakaan min eniilayi elako li kásuumaay kubabbaj jáliŋ li wah watit, bale kátuul Ateemit kubabbaj jáliŋ li wahawu feh, mata kúŋaluleŋalul kásooniyen boot li buloŋabu umbe li boot li buloŋabu babilemaa.

1 Tímote 6:6

Mal̥egen, kátuul Ateemit hubaj háamak boot li an, okila balewoole li wahawu wan abajumuu.

2 Tímote 3:5

Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku!

2 Tímote 3:8

Loon Janees buko li Jambulees kúhoogul nomuu Móyiis, mo foof bukanabuku umbuku kúhoogulemuu mal̥egenamu. Koonosoono bukan kaŋale uyinumawu wooliil kúluuŋ, ban káyinenaku kooliil kubajut jáliŋ.

Eleetalayi yan Fool akiicumuu Tit 1:11

Jakum ukatiil min kúlobul. Mata kumbuku min kúguul̥emuu utoŋ feh, li baliikene ban kooteenut kuliiken bukanabuku. Ban kukankaan mo mantee li kúbajum tó wah suuneni loon makee.

2 Fiyeel 2:15

Kúfuffu’ li bútinabu bacolumuu, min kujow kújim li bútinabu ban kunabumuu li bo bata Balam an Bosool abukumuu. Balam kucaamoocaam sídalam boot min akaan majakut, li aan éehe’,

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:11

Katek kujow kulako li buko, mata kunannab li bakaanelabu bata Kayeŋ. Kuliimooliimoo mata sídalam síji, loon Balam akaanumuu. Kuhoohoy Ateemit loon kata Koole kuhoyumuu Móyiis, ban loon kata Koole kuniilomuu mo foof kommuu li kuniilo.

Búhiisenumabu 18:13

Li baj foof mutiñaayamu man koonemuu kanel, li wah wamise wakaaneyi li elak, eheeñ, múkilamu li ecuulaayayi, sínuukuleŋasu sáamakasu sata kúlumet, kúgalalaan, sifilinjebe, sisaalet, emiikeel li bukan kan kujoke.

Búhiisenumabu 18:3

Bukanabuku kata sihetasu feh kuhohhob bunukabu bata bucagayetabu báamakabu bata yo. Kúyiiyaku kata etaamayi li kunaak kúfulo yo, kújulawaabuku kata etaamayi, li kújowum li bucagayetabu bata yo báamakabu, min kuhin kubaj.»