1 Tímote 4:4 - Jola-Kasa

⁴ Li mal̥egenamu, wahoowah feh wan Ateemit áwuwene ujaajak. Bajut wah waate uhoyi, samin ulakomuu li utiñ wo li ujand ul̥aw ban li usal Ateemit.

1 Tímote 4:4 Referencias Cruzadas

Bakaanelabu 10:15

Hulimahu li hulaañen hoonool: — Jakum ujok wah wan Ateemit aane ujaajak, loon ujakut.

Bakaanelabu 15:29

jakum jitokoñ eliw yata sínuukuleŋ san kákaanumutumuu li Ateemit balewool kusilaye; jakum jitiñ húsim, jakum jitokoñ sínuukuleŋ sakuumi min siket; jakum an áfulo an an kuyabowut. Jikatumuu wahawu unwumaa, jikaane jak. Jisaafuluul ŋáa’!»

Bakaanelabu 21:25

Bale bukanabuku kákaanumutumuu li Ateemit balewool káyinenumuu muñeˈe li Yéesu, jikiiciikiic min jilobiil wahawu wan jijokumuu. Jooniisoon jakum kutokoñ eliw yata sínuukuleŋ sasilayi kuteemit kalet mal̥egen, jakum kutiñ húsim, jakum kutokoñ eliw yata sínuukuleŋ sakuumi min siket, ban jakum an áfulo an an kuyabowut.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

Kata Lom 14:20

Jakum hutiñ wah hújiyi li ukajen bulokabu bata Ateemit. Mal̥egen mutiñaay manooman mujaajak hutiñ, bale jakut min an atiñ wah waate úji an li alo li kahoofoo.

Kata Lom 14:6

An ajokumuu hunak hukee huhaŋ kunak kaaku, lakankaan mo boot li Amaaŋenawu. An atiñe wahawu feh, latintiñ wo boot li Amaaŋenawu, mata lasalesal Ateemit átowum atiñ wo. Anawu átiñeliitumuu wahawu feh, lakankaan mo boot li Amaaŋenawu, ban akila foof lasalesal Ateemit.

1 Kata Koolent 10:23

Kukee li bukuluul koone: «An layilo akaan wah wásuumool.» Mal̥egen! Bale inti wahawu feh ujake kakaan. «An layilo akaan wah wásuumool», bale inti wahawu feh uyilo ukaan bukanabuku min kank li káyinenaku kooliil.

1 Kata Koolent 10:25

Jiyilo jitiñ eliw yanooyan feh yan kújulaye li malise, ban jakum jigel̥l̥enoo bay eliwayi inyu ebilumulo, jakum bil an abaj to kayinoo kakee.

1 Kata Koolent 10:26

Mata loon Bakiicelabu bulobumuu: «Amaaŋenawu akile etaamayi li wahawu feh wáami lómuu.»

1 Kata Koolent 10:30

Nokoomuu loon lisassal Ateemit mata wahawu wan itiñumuu, wáa lí úji an láati awatatenom mata mutiñaayamu ummu man ísalummuu Ateemit?

1 Tímote 4:3

Bukanabuku umbuku kúhilehi’ ésukayi éyabowum, ban li kúhiliil foof kutiñum mutiñaay mukee. Ban Ateemit láwuwenwuwen mutiñaayamu ummu, mantee káyinenumuu li akila, kahaasumuu mal̥egenamu, li kul̥awool ban li kusalool min kutiñ mo.