1 Tímote 4:3 - Jola-Kasa

³ Bukanabuku umbuku kúhilehi’ ésukayi éyabowum, ban li kúhiliil foof kutiñum mutiñaay mukee. Ban Ateemit láwuwenwuwen mutiñaayamu ummu, mantee káyinenumuu li akila, kahaasumuu mal̥egenamu, li kul̥awool ban li kusalool min kutiñ mo.

1 Tímote 4:3 Referencias Cruzadas

Máciya 14:19

Muñeˈe nan kúŋalulumuu Yéesu kúmbuuluwaku li muwolamu, li aan búsukabu bubah li mahosamu. Nan bubahumuu, li aŋa’ kúmbuuluwaku hutokayi li muwolamu múl̥ubaamu, ban li ateb kúkilool ajooŋoo haatiya emitayi, min asal Ateemit. Fúlum tó, li amuncul kúmbuuluwaku asen kúgoomaku koola min kugaben ko búsukabu.

Máciya 15:11

Inti wah wan an atiñe, wo woote úji li eeni lasikosiko hákil Ateemit, bale wahawu wáfulumulemuu li butumool.

Máciya 15:36

Nan búsukabu bubahumuu, Yéesu li aŋa’ kúmbuuluwaku hutok li kúl̥ubaaku li muwolamu, min asal Ateemit aban, li amuncul asen kúgoomaku. Kúgoomaku li kuŋa’ kumunculaku kugaben búsukabu.

Hulimahu Hásuumaahu loon Lík akiic homuu 24:30

Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.

Hulimahu Hásuumaahu loon Saŋ akiic homuu 6:23

No unnu, usaana wakee wabilumulo li ésukayi yan koonemuu Tibeeliyad, li úŋejul. Ulíiŋul, li ujow uya ukooj tan Amaaŋenawu abile akaanumuu búsukabu butiñ okila basale Ateemit aban.

Bakaanelabu 27:35

Nan Fool alobumuu kulimaku unku aban, li aŋa’ húmbuulu min asal Ateemit hákil bukanabuku feh ban, li amuncul ho atokoñ.

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

Kata Lom 14:3

Anawu atiñemuu wahawu feh, aatut abes atiñemuu wah wáfulumulo li etool bale. Anawu foof atiñemuu wah wáfulumulo li etool bale, aatut atiib atiñemuu wahawu feh, mata Ateemit layabooyab.

Kata Lom 14:6

An ajokumuu hunak hukee huhaŋ kunak kaaku, lakankaan mo boot li Amaaŋenawu. An atiñe wahawu feh, latintiñ wo boot li Amaaŋenawu, mata lasalesal Ateemit átowum atiñ wo. Anawu átiñeliitumuu wahawu feh, lakankaan mo boot li Amaaŋenawu, ban akila foof lasalesal Ateemit.

1 Kata Koolent 6:13

Li jinaak foof joon: «Mutiñaay lakaanikaan boot li ha’, ha’ li akaani boot li mutiñaay.» Mal̥egen! Ateemit fan abil aniilen wo úl̥uba: mutiñaayamu li halahu. Bale eniil yata ál̥ahukowan ekaanuti boot bucagayet. Eniilayi yoonosoono to boot li Amaaŋenawu, Amaaŋenawu li aano to boot li eniilayi.

1 Kata Koolent 7:28

Bale uyabumuu anaale, ukaanut kahoofoo. Li bil nokoo loon ásungute ahaasut ánayine ayabowe, akaanut kahoofoo. Bale bukanabuku kayabumuu fan kubaj sílaam li buloŋiil bata hunakoohunak, ban lifañeene jakum jibaj so.

1 Kata Koolent 8:8

Inti wah watiñeyi wóomi lí újiwolaal li ulakowaal hákil Ateemit. Let kaan wahoowah alolaal batiñutaal wo. Let foof ubajaal to wahoowah alolaal batiñaale wo.

Kata Kolos 2:16

Mó mújimuu, jakum jikat an min atiibuul mata wah wan jitiñe li mata wah wan jihobe, mantee foof mata kagaan, mata hul̥een huwunkul, li mata húyiiyaayahu hata kusuwifaku.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

1 Tímote 2:4

afañumuu min bukanabuku feh kufak ban li kuhaas mal̥egenamu.

1 Tímote 4:4

Li mal̥egenamu, wahoowah feh wan Ateemit áwuwene ujaajak. Bajut wah waate uhoyi, samin ulakomuu li utiñ wo li ujand ul̥aw ban li usal Ateemit.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.

Eébulo 13:9

Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.