1 Saŋ 3:19 - Jola-Kasa

¹⁹ Muñowu lóotumaalumuu uhaasaal kaanaku li mal̥egenamu lúfulumulaale, muñowu foof uyinumolaal wóotummu ubah hákil Ateemit.

1 Saŋ 3:19 Referencias Cruzadas

Hulimahu Hásuumaahu loon Saŋ akiic homuu 13:35

Jíbooliwoomuu, bukanabuku feh fan kuhaas koon bukuluul kúgoom kúmbaam joom.

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Kata Lom 4:21

Láyinenyinen li mal̥egenool kaanaku Ateemit layilo akaan wahawu wan alobumuu kakaan.

Kata Lom 8:38

Lihaase li mal̥egenamu kaanaku bajut wah wayilo úgaatuloolom li húbooliyahu hoola: let eketayi, let buloŋabu, let emalakaayi, let uyinumawu wajakutaawu wágootenemuu bukan, let wahawu wata muñeˈe, let foof wahawu wabilemaa, let sembe sanoosan,

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eébulo 10:22

Ulohaal kama Ateemit li buyinum bal̥egene, ban li káyinen ló káliiŋe, li ésigil yaseteni li kahoofoo kanookan kabilumulo li kayinoo kajakut, ban eniilayi li efosi li mal masete.

Eébulo 11:13

Li káyinenaku bukanabuku umbuku feh kúketummuu buko bayabut wahawu wajakaawu wan Ateemit alobumuu kasen, bale kuŋandeŋŋanden wó lóyi min kusaaf wo bo. Kuhahhaas koon buko kujawoola koom li kuñaahoola li etaamaye.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.

1 Saŋ 2:21

Min ikiiculuumuu inti eeniseen jihaasut mal̥egenamu, bale jihaas mo. Ban jihaase foof joon émalimiñ eyilaat ebilumul li mal̥egen.

1 Saŋ 3:14

Luhaasaale oonaal li eketayi lúfulumulaale ubil oonowaal li buloŋabu, mata lufañaafañ kutuyolaal. An afañutumuu atuyool, anawu ummu laloŋe li eketayi.

1 Saŋ 3:20

Mata nokoomuu loon buyinumabu boololaal boonolaal ukaanutaal jak, Ateemit lahaŋe buyinumabu boololaal ban lahaase wahawu feh.

1 Saŋ 3:21

Kufaalom, li bil nokoo loon buyinumabu boololaal boonutolaal ukaanutaal jak, li ubajaal kákangum hákil Ateemit.