1 Saŋ 3:18 - Jola-Kasa

¹⁸ Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.

1 Saŋ 3:18 Referencias Cruzadas

Hulimahu Hásuumaahu loon Lík akiic homuu 7:5

Mata lafanfañ bukanabuku koololaal, ban akila ájimuu eluufayi yoololaal yata kal̥awaku li eteefi.

Hulimahu Hásuumaahu loon Saŋ akiic homuu 17:19

Lisenoolosenoolo foofom feh boot li awu mata buko kúji, bájum buko foof li kusenoolo li mal̥egen boot li awu.

Kata Lom 12:9

Jíbooliwoo li mal̥egen. Jitey majakut, ban kayinooluul feh li kulako kakaan majake.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Efées 4:15

Emmuu alolaal lulobaalelob mal̥egenamu li húbooli ló, fan ankaal li wahoowah feh ujow unokoolaal li Kilisita ammuu húkowahu.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Saŋ 2:1

Kuñoolom, likiicuukiic kulimaku unke jakum bil jihoofoo. Bale nokoomuu loon akee li bukuluul ahoofoole, lubajaale akooŋena hákil Atuubaawu: Okila ammuu Yéesu Kilisita, acolumuu.

1 Saŋ 3:7

Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.

2 Saŋ 1:1

Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.

3 Saŋ 1:1

Atuyom Gáyiyis an iboolaatumuu, ínje anahaanawu ikiiculi, awu an íboolimuu li mal̥egen.