1 Saŋ 2:7 - Jola-Kasa

⁷ Kufaalom, inti eluwa ewunkul likiicuul, bale eluwa ehaan yan jiyabumuu yaan no li húkitumahu. Eluwaayi unyu ehaanayi yo yommuu hulimahu han jijamumuu.

1 Saŋ 2:7 Referencias Cruzadas

Máciya 5:43

— Jijanjam min lobumuu kaanaku: «Fan ufañ afaali an, min uhoy alatoolayi.»

Hulimahu Hásuumaahu loon Saŋ akiic homuu 13:34

Boot min isenuul hulim huwunkul: jíbooliwoo. Joote jíbooliwoo loon ínje foof íbooliwuulumuu.

Bakaanelabu 17:19

Muñeˈe li kuŋa’ Fool kújowetum boot tin kutiibemuu, hákil huhaanaahu háamakahu hata ésukayi yata Ateen han koonemuu Ayeelofaas, ban li koonool: — Mantee jiyilo jihaas mata baliikenelabu umbu buwunkulabu ban ulobemuu li bo?

Eébulo 6:9

Kútuyoli kan jiboolaat, maayeet min áloli jilobemee loon muñeˈe, híitolihiit kaanaku bukuluul jumbuku li bútinabu bajakaabu, bammuu bata kafakaku.

1 Saŋ 2:24

Mó mújimuu, jiŋa’ kulimaku kan jijam nomuu yaan li húkitumahu, jikaan li uyinumuul. Nokoomuu loon kulimaku kan jijam nomuu yaan li húkitumahu kunku nanoonan li uyinumuul, fan foof jijamoo li Añiilawu li Atuubaawu.

1 Saŋ 3:11

Li mal̥egenamu, hulimahu unhe jijamumuu yaan no li húkitumahu: Ubóoliwoolaal.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.

1 Saŋ 3:21

Kufaalom, li bil nokoo loon buyinumabu boololaal boonutolaal ukaanutaal jak, li ubajaal kákangum hákil Ateemit.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 4:1

Kutuyom kan iboolaat, jíkaanum jakum jíyinen bukanabuku feh kaanemuu Buyinumabu bata Ateemit kooke. Bale jinaak jiyoob bukanabuku umbuku min jijuk mantee buyinumabu ban kookumuu li Ateemit bubilumulo. Mata bukan kameeŋe kámale koon kufulofet koom, kúfululo muñeˈe kóomi tanootan li adunaayi.

1 Saŋ 4:11

Kutuyom kan iboolaat, nokoomuu loon Ateemit muñowu lábooliwolaalumuu ŋáa’, kama ololaal foof lootaale úbooliwoolaal.

1 Saŋ 4:21

Eluwaayi inye Yéesu Kilisita asenolaalumuu: an áboolimuu Ateemit laate ábooli foof atuyool.

1 Saŋ 4:7

Kutuyom kan iboolaat, úbooliwoolaal mata húbooliyahu li Ateemit hubilumulo. An abajumuu húbooli, añool Ateemit laam ban lahaase Ateemit.