1 Saŋ 2:6 - Jola-Kasa

⁶ An aanumuu li Yéesu lajoke, anawu ummu laate aloŋ akila humumool loon Yéesu aloŋumuu.

1 Saŋ 2:6 Referencias Cruzadas

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Hulimahu Hásuumaahu loon Saŋ akiic homuu 13:15

Li mal̥egenamu, likankaan loon muñaˈa min íhiisuul, bánum bukuluul foof li jinaak jikaan loon ínje ikaanuulumuu.

Hulimahu Hásuumaahu loon Saŋ akiic homuu 15:10

Jítuulumuu kulimaku kúmbaam, fan jilako li húbooliyahu húmbaam, loon ínje humumom ítuulumuu kulimaku kata Atuubawom, min eeno li húbooliyahu hoola.»

1 Kata Koolent 11:1

Jiliikoo lí ínje, loon ínje humumom iliikoolemuu li Kilisita.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Saŋ 2:28

Kuñoolom, muñeˈe jítuk hujamoolahu hooluul li Kilisita lit, bilum eeno nan ammuu li abil li ubajaal kákangum, ban let ubajaal ñisuu hákilool li hunakahu nan ammuu li álaañul.

1 Saŋ 2:4

An aanumuu: «Lihaasool», ban akaanut loon siluwaasu soola silobumuu, anawu ummu ámalamiñ, ban mal̥egenamu mulet li akila.

1 Saŋ 3:24

An akaanumuu loon siluwaasu sata Ateemit silobumuu, anawu ummu li Ateemit laam nanoonan ban Ateemit ummu nanoonan foof li akila. Buyinumabu Banabaabu ban asenolaalumuu bó bújimuu li uhaasaal oonaal Ateemit ummu li alolaal.

1 Saŋ 3:6

Mó mújimuu, an átukumuu lit li Yéesu, laate akat kahoofoo. Bale an aloŋumuu li akaan kahoofoo, anawu ummu ajukutool ban ahaasutool.

1 Saŋ 4:17

Húbooliyahu háamimuu li alolaal hoote hujow boot to, mantee li ubajaal kákangum li hunakahu hata batiibabu. Fan ubajaal kákangum mata buloŋabu boololaal li adunaayi inye, bunokoonokoo li bata Yéesu Kilisita.