1 Kata Koolent 9:21 - Jola-Kasa

²¹ Li manolamu, ilakomuu li bukan kahaasut eluwaayi yata Móyiis, fan iloŋ loon kuloŋemuu, ban let ijuke li eluwaayi inyu yata Móyiis, mantee li iŋaliil boot li Yéesu Kilisita. Inti eeniseen mantee ínje ítuulut eluwaayi yata Ateemit, mata likaanekaan loon eluwaayi yata Kilisita elobumuu.

1 Kata Koolent 9:21 Referencias Cruzadas

Bakaanelabu 15:28

Mata Buyinumabu Banabaabu li óloli húmumoli, jijoojok kaanaku let jikaanuul búteb bakee jiteb, bábuto li wahawu unwe wafimmuu min wóoti ukaani:

Bakaanelabu 16:4

Muñeˈe li sísukasu ban kújowummuu, li kulob káyinenumuu kulimaku kan kufootalaku kujokumuu, ban li kooniil kukaan loon kulobumuu.

Bakaanelabu 21:25

Bale bukanabuku kákaanumutumuu li Ateemit balewool káyinenumuu muñeˈe li Yéesu, jikiiciikiic min jilobiil wahawu wan jijokumuu. Jooniisoon jakum kutokoñ eliw yata sínuukuleŋ sasilayi kuteemit kalet mal̥egen, jakum kutiñ húsim, jakum kutokoñ eliw yata sínuukuleŋ sakuumi min siket, ban jakum an áfulo an an kuyabowut.

Kata Lom 2:12

Bukanabuku feh kahoofoolemuu bahaasut eluwaayi yata Móyiis, fan kuket ban Ateemit let atiibumiil li eluwaayi inyu, bale bukanabuku kammuu li kuŋenaku kata eluwaayi yata Móyiis ban li kuhoofoo, Ateemit fan atiibumiil li yo.

Kata Lom 2:14

Nokoomuu loon bukan kalet kusuwif kahaasut eluwaayi yata Ateemit kuloŋe loon eluwaayi inyu elobumuu, nokoonokoo loon eluwaayi inyu káta láalayiil, maayeet min kite eenimuu let buko humumiil Ateemit asen yo.

Kata Lom 7:22

Kata láalawom, eluwaayi yata Ateemit ésuumonsuum ŋáa’.

Kata Lom 7:25

Ateemit ajow asali: li Yéesu Kilisita ammuu Amaaŋenawu oololaal. Muñowu léemummuu amiikeel ata eluwaayi yata Ateemit li buyinumom, ban li éemi amiikeel ata eluwaayi yata kahoofoolaku li eniilayi yúmbaam.

Kata Lom 8:4

Ateemit lakankaan loon muñaˈa mantee macolamu man eluwaayi elobumuu mata mo, li mubaj li alolaal jáloŋeliitaamuu naboo li bóonowabu boololaal, bale jaloŋaalemuu loon Buyinumabu Banabaabu bufañumuu.

Kata Galasi 3:2

Wah wano bale lifañe min ihaas li bukuluul: mantee li kahankenuul min jikaan wahawu wan eluwaayi elobumuu jíyabume Buyinumabu Banabaabu, mantee li káyinenaku kan jíbajummuu li kajantenaku kata Hulimahu Hásuumaahu?

Kata Galasi 6:2

Jilambenoo li bútebabu booluul. Jikaan momuu, jítuule jak eluwaayi.

Eébulo 8:10

Amaaŋenawu li afamen aan: «Húfaalumahu han ínje emmuu li ijok kata Isilayeel, nan kunakaku unku kommuu li kuban, ho hommuu unhe: Fan iŋa’ siluwaasu súmbaam ikaaniil li uyinum, ban li iŋa’ so ikiic li sísigilasu sooliil. Fan ilako Ateemit ooliil, buko li kulako bukanabuku kúmbaam.