1 Kata Koolent 9:20 - Jola-Kasa

²⁰ Ilakomuu bulok li Kusuwifaku, fan iloŋ loon asuwif aloŋemuu mantee li íŋaluliil boot li Yéesu. Maayeet min an ayilaatumuu atuuŋom ikaan bakaanelabu bata kusuwifaku loon eluwaayi yata Móyiis elobumuu, fan iloŋ loon eenimuu li eluwaayi inyu leem, ínje li bulok li bukanabuku kakaanemuu loon eluwaayi inyu elobumuu, mantee li íŋaluliil boot li Yéesu Kilisita.

1 Kata Koolent 9:20 Referencias Cruzadas

Bakaanelabu 16:3

Fool li afañ min aŋa’ Tímote ájowetum. Li aŋalool ateyen búkut kakinumuu li etaamayi inyu kúji, mata buko foofiil feh kuhaase koon atuubawool an ata Gilees.

Bakaanelabu 18:18

Fool li afiyo jakee li ésukayi yata Koolent. Fúlum tó, li akat to kutuyool min ájufo li ébato min ajow boot li etaamayi yata Siili, akila li Filisila li Akilaas. Fool li ámiito átowum ájufo li kásikaku kata Sankile, mata babbaj wah wan alobe kakaan hákil Ateemit.

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 3:19

Luhaasaale kaanaku wahawu wan eluwaayi elobumuu, elollob wo boot li bukanabuku kammuu li kuŋenaku kata eluwaayi, jakum bil an ayili álobul to mukee mantee li ukooŋ, min ésukayi ehaas kaanaku adunaayi foof yo feh etilentilen hákil Ateemit.

Kata Galasi 2:19

Li ínje, mata eluwaayi, likeeket ban li eluwaayi humum yo líketume, mantee li iyili iloŋ boot li Ateemit. Injé limukoolimukoo li Kilisita li ekuluwaayi.

Kata Galasi 4:21

Jilobom, bukuluul jafañumuu min jiloŋ loon eluwaayi yata Móyiis elobumuu. Kama jijamut buu eluwaayi elobe?

Kata Galasi 4:5

Labiibil loon muñowu min ahal boot li bukanabuku kammuu li kuŋenaku kata eluwaayi, li foof boot kakaanolaal min ulakowaal bañiil bata Ateemit.

Kata Galasi 5:18

Bale nokoomuu loon Buyinumabu Banabaabu bucolencolen buloŋabu booluul, jilet kama li kuŋen kata eluwaayi.