1 Kata Koolent 1:6 - Jola-Kasa

⁶ Kulimaku kalobimuu mata Kilisita kubabbaj sembe li bukuluul.

1 Kata Koolent 1:6 Referencias Cruzadas

Maak 16:20

Mal̥egen kúgoomaku li kujow kuwaale Hulimahu Hásuumaahu tanootan. Amaaŋenawu li álokum li buko, min áhiis kaanaku kulimaku kan kulobemuu mal̥egen, li búhiisenum bájaahaleniye banaake bunaboo li ko.]

Bakaanelabu 11:17

Kama Ateemit aseniilumuu kájiyaku kanolaku li kan asenolaamuu nan úyinenaamuu li Amaaŋenawu Yéesu Kilisita, ínje, ínje emmuu sum ayi mata min íhi’ Ateemit ákaanum mó?

Bakaanelabu 11:21

Sembaasu sata Amaaŋenawu li buko silakowe, mó lí múji bukan kameeŋe li kúyinen, min kútiiwo kunab li Amaaŋenawu.

Bakaanelabu 18:5

Nan Silaas.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 22:18

li aanom: «Usommen úfu’ li ésukayi yata Yeelusalem, mata bukanabuku kakin dómuu let kufañ min kúyinen kulimaku kan ommuu ulobiil múmbaam.»

Bakaanelabu 23:11

Li líiŋ li ehukaayi yanab tomuu, Amaaŋenawu li áfu’ Fool min aanool: — Sákoli! Lulollob jak múmbaam li ésukayi inye yata Yeelusalem, ban loote ulob foof múmbaam li ésukayi yata Lom.

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

2 Kata Koolent 12:12

Wahawu wáhiisumuu kaanaku afootal leem, li bukuluul likaan wo. Wo wommuu: húmuñ sílaam sanoosan, búhiisenum, bakaane bájaahaleniye, li wah wájaahaleniye.

Kata Galasi 3:5

Ateemit asenuulumuu Buyinumabu boola ban li akaan wah wájaahaleniye li bukuluul, mantee lakankaan mo mata min jihankenumuu min jikaan loon eluwaayi elobumuu, mantee min jijamumuu ban li jíyinen Hulimahu Hásuumaahu?

2 Kata Tesalonik 1:10

Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

Búhiisenumabu 1:2

Saŋ li alob bukanabuku wahawu feh wan ajukumuu. Li aan li mal̥egenamu laalu hulimahu hata Ateemit, ban Yéesu Kilisita láhihhiis kaanaku wahawu unwu mal̥egen.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 12:11

Li húsimahu hata Agálalaanawu kutuyolaal kúheekumoolumuu, li hulimahu foof hata Ateemit han kulobumuu ésukayi. Li koon éehe’ min kusen buloŋabu booliil mata min kuket.

Búhiisenumabu 12:17

Muñeˈe éjunfuulayi li el̥eet anaalaawu bil gay, li ejow etiik bubukoolumabu boola basaŋomuu. Bubukoolumabu umbu bo bommuu bukanabuku kátuulumuu siluwaasu sata Ateemit, ban li bunab li kulimaku kan Yéesu alobumuu.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 6:9

Nan Agálalaanawu ákotulumuu bálikaañabu butokenabu, li ijuk kata láala husilaahu saalasu sata bukanabuku kan kumukumuu mata hulimahu hata Ateemit húji, li mata min kulobumuu bukanabuku hulimahu unhu hata Ateemit.