1 Kata Koolent 1:5 - Jola-Kasa

⁵ Li mal̥egenamu, li hujamoolahu hooluul li Kilisita Ateemit asenumuulumuu hubaj hata káji kanookan, háŋum kata hulim hanoohan li kata kahaasemiñ kanookan.

1 Kata Koolent 1:5 Referencias Cruzadas

Bakaanelabu 2:4

Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.

Kata Lom 11:12

Ban nokoomuu loon hubajahu hata adunaayi hubilumbilum li bafetabu bata kusuwifaku, ban hubajahu hata bukanabuku kaletumuu kusuwif li hubilum li hulowahu hooliil, kama nan kusuwifaku foofiil feh kommuu li kufak, inti hubajahu fan huhaŋ maluuk?

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

Kata Lom 15:4

Wahawu feh wakiici nomuu kat to, ukiicikiic boot kaliikenolaal wah. Li mal̥egenamu, Bakiicelabu busenewolaasen kátintimben min útukaal lit, boot yok nan oomaalumuu li ubajaal wahawu wan úkangumaalumuu li wo.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

1 Kata Koolent 8:11

Kaanumuu loon muñaˈa, atuyi ummu an káyinenaku koola kulitutumuu, «kahaasemiñaku» kooli li kújiwool li ájim, ban Kilisita lakeeket boot li akila.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

2 Kata Koolent 6:10

Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.

2 Kata Koolent 8:7

Muñeˈe bukuluul jibaje wahawu feh ŋáa’. Jibaje káyinen, jihaase jak buu lobemuu, jihaase wahawu wata Ateemit. Jihankenehanken li wahoowah feh, ban húbooliyahu han jíhiisuulumuu hunhu li bukuluul. Mó mújimuu, joote kama jinaak jihaŋ masen ŋáa’.

2 Kata Koolent 9:11

Fan asenuul hubaj li wahoowah feh, min jinaak jiyili jísuum li bukanabuku. To bukan kameeŋe kóotummu kusal Ateemit humum hata wahawu wan jísenolimuu jijow jiseniil.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 2:7

Ateemit lájowunjowum li Yéesu Kilisita min áhiisolaal másuumamu moola li ololaal. Lakankaan loon muñaˈa min áhiis bukanabuku li taŋayi yabilemuu, buu másuumamu moola muluukumuu eeno muhaŋ wahoowah feh.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Kata Efées 6:19

Jil̥aw foof boot lí ínje bájum Ateemit li asenom kulim kacole nan emmuu li ilako elob, mantee jakum ibaj kákolí ínje li kakitten bukanabuku mal̥egenamu mahaasutimuu mata Hulimahu Hásuumaahu.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

Kata Kolos 2:3

Li Kilisita hubajahu feh hata bújallo li hata kahaasemiñ huyolimuu.

Kata Kolos 3:10

min jiŋa’ buloŋabu buwunkulabu. Anawu ummu awunkulawu an joonomuu muñeˈe, ummu min awunkulowemuu, min anaak ahaŋ manokoo li áwuwenaawu oola, mantee bukuluul li jihaas Ateemit jak.

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.