Tito 3:5 - Kaxinawá Bíblia (BR)

⁵ Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

Kashinawa : Diosun Jesúswen taexun yuba bena yiniki

⁵ Nukubun jawa wakin nun pexunamabia jawen nui pepas jawa jusiamawen nuku mekekin piskumaniki, nukun chakabu chuka keska wakin, nuku ana kain bena wakin jawen jiwea bena nuku inaniki, jawen Yushin Pepawenan.

Tito 3:5 Referencias Cruzadas

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Mateus 3:11

iwanã, “Eãnã, hawẽ unãmati wakĩ henewẽ besti ẽ matu naximakubainaii. Hakia huni betsarã, kuxipahaira ea binũa txipu hushanikiki. Hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitsaukaĩ ẽ pekashũtirumarã. Hakia matu pepawakĩ Deusũ Yushĩ Pepa matu inãtã bika matu tenemakĩ matũ txakabu yamawashanikiki, txiwẽ hawara txakabu abuama kua keska wakinã.

Lucas 1:54

Hanũkaĩ haska nukũ shenipabu Abraão inũ hawẽ bababukiri yubashuni xinaĩ nukuwẽ nuikĩ nũ hawẽ tsumabu Deusũ ana nuku merabewakĩ taewani heneama nuku ashũkubainikiki”, ixiã

Lucas 1:72

Haska bebũkiri nukũ shenipabu hawawẽ hatu haska wati nuii hatuwẽ yubakai hatukiri hãtxa meribi wai mĩ hãtxapaunirã, hakimama mĩ xinaiĩ.

Lucas 1:78

Nukũ Deus nuikipa txakamatũ nuku abukĩ nai anua hawẽ bake shaba bari bena keska nuku buteshũshanikiki.

Romanos 11:6

Na haska nũ habũ txibaĩnã, hawẽ yunuti inũ hawẽ nemati txibaĩ nukũmebi nũ pepaiwẽ taeama hakia hawẽ pepawẽ nukuwẽ nuikĩ Deusũ nuku kenakĩ nuku katukubainikiki, hau habũ Jesus nũ ikũwanũbunã. Haska nuku wamarã, Deusũ pepa hayama ikeanaii.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Romanos 3:20

Deusũ hãtxa kenenibu tapĩmisshũ: “Eãnã, ẽ hawa kaneismaki”, ikĩ yui Deus unãti wamai pepatirubumaki. Hakia haska Deusũ hãtxa keneniburã, haska hawẽ nũ txakabuwakubaĩmis dasibibũ nũ hawẽ besti unãtirubuki.

Romanos 4:5

Hamẽ, tsuabũra Deus duawanũ, iwanã, hatũ huĩti merã Deus ikũwaĩbu Deusũ hatũ aka pepawẽ hatu pepa wama hakia hatuwẽ nuikĩ yurabũ hatũ xinã betsa wawẽ taeshũ hatũ xinã txakabu hatu buashũtã: “Ha yura pepabuki”, akĩ haskawẽ Deusũ hatukiri xinãkubaĩmiski.

Romanos 9:16

Yurabu hatũ xinãwẽ haska abukĩ hawara ibubis binũ ika hĩ ikai Deusũ hari xinaĩsmaki. Hakia tsuaburawẽ nuikĩ Deusũ hamebi hatu katumiski.

Romanos 9:30

Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Efésios 2:4

Hakia Deus nui heneisma nukuwẽ nuitxakayamakĩ nuku duahairawakĩ

Efésios 4:23

Matũ xinã bena watã haska Deusũ abukĩ matu katumai besti xinãkãwẽ.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

Tito 3:4

Hakia hanushũ nukũ mekenã Deus dasibi mai anuabu nukuwẽ nuikĩ nuku abukĩ hawẽ pepa nuku unãmaniki.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

1 Pedro 1:3

Nũ hawẽ bakebus pepawẽ nuku kupia nũ habe hiweshanũbũ nukũ Shanẽ Ibu Jesus Cristo nukuwẽ nuihairaya Deusũ ana bestẽwãkĩ nuku bake kaĩ bena keskati waniki, ha xinãkĩ hiwea ikibi ika betsa ha manakai hiweti nuku inãkinã. Haskawẽ taeshũ nukũ Shanẽ Ibu Jesus Cristõ mekenika Deus, hawẽ Eparã, kẽwãriakubainãkãwẽ.

1 Pedro 2:10

Ha inũ, ha dukũ Deusunama mã inibuki. Hakia natiã mã ma Deusũ enabuki. Ha dukũ Deus matuwẽ nuiama ibiani na habiatiã matuwẽ Deus nuikiki.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.