Tito 1:4 - Kaxinawá Bíblia (BR)

⁴ Titoõ, txanima ebetã ikũwaĩ mĩ ẽ bake kayabi keskaki. Nukũ Shanẽ Ibu Jesus Cristo hawẽ Epa Deusbe miwẽ nuikĩ mia unãnuma hiwemakĩ hau mia duawakubainũbũwẽ.

Kashinawa : Diosun Jesúswen taexun yuba bena yiniki

⁴ Titoon, chanima ebetan ikunwain min en bake kayabi keskaki. Nukun Xanen Ibu Jesucristo jawen Epa Diosbe miwen nuikin mia unanuma jiwemakin jau mia duawakubainunbunwen.

Tito 1:4 Referencias Cruzadas

Lucas 2:11

Matũ shenipabu shanẽ ibuhaira Davĩ mae Belém anu haska Deusũ yubani matũ merabenã Shanẽ Ibu ma kaĩyãki, Cristo Messiasrã.

João 4:42

aĩbu yuikĩ: —Ha dukũ mĩ hãtxa besti nĩkatã mia txibãbaini kashũ nũ uĩxinaki. Hanua txanima kayabi ibubis nukũmebi hawẽ hãtxari nĩkatã Jesusũ yurabu dasibi Mekenika Messias Cristorã, natiã nũ ikũwaiĩ— akabu

Romanos 1:12

Haska ẽ matu yuiairã, nũ Jesus txibaĩbu nuku dasibi merabenamei nũ huĩti kuxipanametirubuki, matubu inũ earã.

2 Coríntios 12:18

Ha inũ, Tito inũ ikũwaĩ betsa matu anu ẽ yunuxinabunã, pei matu biãkĩ matu parãxinabumẽ? Haskamaki. Habu ebetã yusĩmisbu keska xinaĩbũ habiaskari yusĩkĩ eãri ẽ hatu yunumistũ ẽ matu paraĩsmariki. Habukiri txakabu xinãyamakãwẽ.

2 Coríntios 2:13

Cristowẽ taea ẽ betsa Titoki ẽ nukuriama inũ matukiria hawa bana nĩkariama ẽ huĩti punu nuka kayashũ hatu yuikĩ: “Ẽ ma kaii”, itã Macedônia mai pakea anu Tito benai ẽ kaĩkainimaki.

2 Coríntios 4:13

Haskakiri Davĩ kenekĩ: “Deus ikũwaĩ hakiri ẽ hãtxakũkainaii”, ini keskai nukubũri Deus ikũwãriai hawara nũ ikũwaĩ nũ hakiri yui hãtxariakũkainaii.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

2 Coríntios 8:16

Hanushũ matu merabewakatsi iki nũ matuwẽ nuiai keskai Titori habias xinã haya matuwẽ nuiriai kakatsis iki kaya benimakĩ Deus pepa wakĩ ẽ kẽwaiĩ. Hau matu anu kanũ nũ nitxiã hawaira matu anu kaikiki.

2 Coríntios 8:23

Hamẽ Tito ebe dayakĩ ebetã matu merabewamis mã unaiĩ. Hamẽ ha nukũ betsabu Macedônia anua ikũwaĩbũ katuimaburã, habe ẽ hatu nitxĩainã, Cristõ kuxipa hayaburi bukanikiki.

2 Coríntios 8:6

Haskakẽ pei itxawakĩ Macedônia mai pakea anu itxamisbu anushũ Titõ hatu taewamaima keska wakĩ matu anu kashũri hau matũ merabewati pepa mã itxawaxina hau matu itxawamakĩ pewai kashanũ Tito nũ haska yunuxinaki.

Gálatas 2:3

Haska ẽ hãtxa danãma inũ betsarã, Tito Gregonawabiakẽ uĩbiakĩ hau hawẽ hina kubitxi meshtenũbũ hawa nuku yunuama irianibuki.

Gálatas 3:26

dasibi mã Jesus Cristo ikũwaĩ mã ma Deusũ bakebukẽ hatũ besti matu mekekubainikiki.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Efésios 1:2

Nukũ Epa Deus inũ nukũ Shanẽ Ibu Jesus Cristõ hau matu unãnuma hiwemakĩ pewakĩ duawapakekubainũbũwẽ.

Colosenses 1:2

tsuabura Colossos mae ewapa anuabu Deusũ hawenabu meribi matu wani mã nukubetã Cristo ikũwaĩ mã txĩtuĩsmakẽ habetã ẽ hãtxa ẽ matu bumai uĩrakãwẽ. Nukũ Epa Deusũ hau matu unãnuma hiwemakĩ duawakĩ hau matu xinã txãkãwãkubainũwẽ.

1 Timóteo 1:12

Nukũ Shanẽ Ibu Jesus Cristõ ekiri pe xinãkĩ ẽ txĩtũtiruma xinãkĩ ea duawakĩ hawẽ daya ea yununiwẽ taeshũ txanima hatũ ea kuxipa wa ẽ kẽwãkubainaii.

2 Timóteo 1:1

Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.

2 Timóteo 1:2

Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Timóteo 4:10

Demas hawẽ hiweawẽ besti inũ mabuwẽ kemukĩ ea henebaini Tessalônica mae ewapa anu kaxiãki. Crescente Galácia mai pakea anuri kariaxinaki. Tito Dalmácia mai pakea anuri kaxiãki.

Tito 1:3

Natiã hanu ma menekĩ hanu ati wani anu hawẽ bakekiri kakape nũ unãshanũbũ nukũ Epa Deus mekenãtũ nuku unãmani haska wanishũ eki txiti ikaya hawẽ yunuawẽ hawẽ hãtxa ẽ hatu tapĩmakubainaii.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

2 Pedro 1:1

Ẽ Simão Pedro Jesus Cristõ tsuma hawẽ kuxipaya ea waniki. Nukũ mekenika Deus Jesus Cristõ kaneisma nũ ikũwaĩbu keska mã nuku txibãkĩ ikũwãriaibuwẽ taeshũ ẽ matu kene bumai uĩrakãwẽ.

2 Pedro 1:11

Mã haskai hiwekubainaibu benimakĩ matu kẽwãtxakayamakĩ hawẽ mae bena anu hanu mã hikinũ hawẽ beputi matu bepẽshũtã: “Neri hiki bekãwẽ”, matu washanikiki, hanu nukũ mekenã Shanẽ Ibu Jesus Cristõ matu bitxikinã, niti ikama mã habe hiwepakeshanũbunã.

2 Pedro 2:20

Ha dukũ Nukũ Shanẽ Ibu mekenã Jesus Cristo unãtã hatũ txakabu putakĩ pewabiani habias txakabũ ana hatu atxishũ yabuarã, beshmas ibiani ana txakabui pikuhairamisbuki.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro

2 Pedro 3:2

Xinãkãwẽ. Uatiã Deusũ hãtxa yuishunika meribibũ yusĩnibu inũ ha dikabi nukũ Shanẽ Ibu mekenã hãtxa nuku yununi habias hawẽ kuxipayabũ matu yusĩkubainaibu hakimayamakubaĩkãwẽ.

1 João 5:14

Haska Deusũ xinaĩ keska xinãkĩ hawara nũ yukai nuku nĩkamis dateama nũ unaiĩ.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.