Tito 1:2 - Kaxinawá Bíblia (BR)

² Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Kashinawa : Diosun Jesúswen taexun yuba bena yiniki

² Dios chanichakaismatun mai damiwadiama jawen janchawen jiweakidi yubakani jatun jiwea ikibi ika tsumatun jawa betsa wama ixanai nun manaii.

Tito 1:2 Referencias Cruzadas

Isaías 1:20

Hakia shinã betsakatsi ikama hẽ iyamai danananaĩ sinatai mã heneamarã, tsuã ana matu merabewama detenameaibu anua mã mawashanaii”, ikĩ ibubis Senhor Deusũ matu yuishuki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 25:34

Hanua ẽ shanẽ ibuhairatũ enabu ẽ yusiuri ẽ hatu nitxiã mapuabu hatu yuikĩ: “Ẽ Epã mai damiwakĩ taewakĩ matu habe hiwemakatsi matu katunishũ natiã matu ma kenaikiki. Habe hiweri bekãwẽ, matu duawai benimaikikirã.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Marcos 10:17

Hanua Jesus ana kaĩkainaya huni betsa kuxikirã haki nukutã ha bebũ dãti itã yukakĩ: —Yusĩnã pepaã, Mia yukapa? Hiwea kayabi bikinã, haska kayatã ẽ bitirumẽ? Ea yuiwe— aka

Marcos 10:30

tsuabũra hamapaiwẽ hatu bika tenemabiaibũ na habiatiã Deusũ hatũ pepawẽ manakuhairakĩ ana hiwe betsa inãkĩ, betsabu inãkĩ, puibu inãkĩ, ewabu inãkĩ, bakebu inãkĩ, bai inãkĩ hatu haska washũshanikiki. Hatu haska wanishũ nai anu hatu habe hiwemashanikiki, ikibi imakinã.

João 10:28

Eki txiti ikabu benuama ẽ hatu hiwekuĩmakubaĩshanaii. Parãshũ tsuã hatu ea mebiãma ishanikiki.

João 17:2

Mai hirabi anua hawẽ yurabu dasibi yunuti kuxipa mĩ bake mĩ ea inãniwẽ mĩ hatu katuni ẽ hatu hiwekuĩmashanaii.

João 17:24

—Epaã, mai damiwakĩ taewariama mĩ ea abukĩ ea txashakapa hawẽruawakĩ taewani mĩ habiaskari ea wai hau ebe hiwekĩ uĩshanũbũ habu mĩ ea yununi ebe hatu hiwemashãwẽ— iwanã,

João 5:39

Haskakẽ matunã, ha txibaĩ hiwei ikibi iti hãtxa kenenibu betxinũ, iwanã, Deusũ hãtxa yuishunikabũ kenenibu anua mã benakubaĩmiski. Hakia habias kenewẽ ekiri yuinibu uĩbiakinã,

João 6:54

Hakia tsuabũra ẽ nami pikĩ ẽ himi aki hiwekuĩshãkanikiki, ikibi ikirã. Ha inũ, hawẽ henea shabatiã ẽ hatu bestẽwãkĩ tashnimashanaii.

João 6:68

Simão Pedrõ yuikĩ: —Shanẽ Ibuũ, mia henebaĩ tsua mia keska nũ txibãtirumaki. Hiwekuĩmati hãtxa mĩ nuku yusĩmiski. Deusũ bake meribi peparã, habia mĩ mia nũ unaiĩ— aka

Hechos 15:18

Haska bebũkirihaira ẽ Yavé Deus hãtxakĩ hatu yubairã, txanima ẽ hatu ashunũbariaii’, ikai nĩkatã nuku keneshuniki— iwanã

Romanos 1:2

Bebũkirihaira ha dukũ Deusũ hãtxa meribi kenenibu anu hawẽ bakewẽ yubakanikiri hawẽ hãtxa yuishunikabu Deusũ hatu kenemani nũ unaiĩ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.

Romanos 5:2

Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.

Romanos 5:21

Txakabu hikinishũ ha shanẽ ibukĩ yurabu tenãkubaĩmiski. Haska keskariai Deus shanẽ ibukinã, hawẽ nuikipawẽ hawẽ bake Jesus Cristowẽ taeshũ hawenabu nuku wakĩ: “Ha enaburã, pepabuki”, ikĩ nuku hiwekuĩmaikiki.

Romanos 5:4

Deusũ nuku kuxipa wakinã, haska xinaĩ keska nũ akaibu nukukiri pe xinaĩkiki. Hanushũ Deusũ kuxipa nũ hayawẽ taea haska nuku yubani manairã, nũ benutiruma nũ xinãkubainaii.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

1 Tesalonicenses 2:15

Ha judeuburã, ha dukũ hatũ shenipabu betsabũ Deusũ hãtxa yuishunikabu betsabu ũ unuatiã hatu tenãkubiranishũ hanushũ habiabũ bababũri nukũ Shanẽ Ibu Jesus tenãrianishũ nukuri itxakawakatsis ikĩ nuku kaĩmakĩ haska Deusũ abuai ashũama nuku putakubainimabuki. Hanushũ Deusũ judeubumari hatu xinãkĩ haburi mekekatsi hanu hatu anu nuku yunuima nũ matube hãtxaya judeubũ nuku nemapaikĩ judeubu inũ judeubuma hatube dasitã hatu nukuki sinatamakubaĩkanikiki. Haska wakĩ hatũ txakabu betsa betsapa ana matsãkĩ itxawakubainaibuwẽ taeshũ samama hatu kupitxakayamakatsi Deusũ hatu manakaki.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

1 Timóteo 6:12

Haska mĩ hiwea ikibi ika bibiatã mĩ benutiruma Deusũ mia inãkatsi mia kenakĩ katuniwẽ taeshũ haska mĩ ikũwaĩ mĩ ma itxabu anua shabakabi txanini hatu unãmakubaĩwẽ, Jesus Cristo txibaĩ txĩtuãma dasibi Deusũ mia yunumis dateama xinãkĩ akubaĩkinã.

1 Timóteo 6:19

Haska wakubaĩmiswẽ taeshũ Deus hatuwẽ benimakĩ hatũ duapa pepawẽ bari hawẽ heneaitiã Deusũ hatu manakushanai txanima hiwekuĩa kayabi bi haki nukunũbarikanikiki.

2 Timóteo 1:1

Ea ẽ Paulorã, Deusũ haska xinaĩwẽ Jesus Cristõ kuxipaya ea wakinã, hawẽ yunuawẽ ea aniki. Haska wakinã, hamẽ ea akama hakia haska bebũkiri Deus yubakani hawẽ hiwea keyuisma ikibi ikakiri haska xinãkubaĩmis haska hayawẽ taeshũ Jesus Cristo ea katumaniki.

2 Timóteo 1:9

Eska Deusũ bebũkiri xinãnirã, hawara pepa nũ amiswẽ taeama hakia haska Deusũ na mai anu hawa wariamahairabia bebũkiri hawẽ xinã duapawẽ taeshũ hawẽ hãtxawẽ hiwei nũ hawenabu meribi pepakubaĩshanũbũ nukũ txakabuwẽ nuku kupikatsi ikama haska yubakaniwẽ taeshũ tsuabũra Jesus Cristo ikũwaĩbu nuku katukĩ kenanishũ natiã nuku ma mekekubainikiki.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

2 Timóteo 2:13

Hamẽ nukubu nũ xinã betsa betsapa wai txĩtũbiamiskẽ hatunã, hawa xinã betsa betsapa waisma ikũkaĩnũbarikiki, haskatã hamebi ibubis txani txakatirumarã.

2 Timóteo 2:15

Hamẽ mia ikirã, hĩ hĩ ikama mĩ Deus dayashunairã, Deusũ besuubi hawa berabini mĩ dakeama ishanairã, txanima hãtxa Jesus Cristokiri dasibi hatu yui pepakũkaĩwẽ. Mĩ haskamiswẽ taeshũ Deusũ mia unãti wakĩ: “Huni dayakapakũkaĩkĩ mĩ ea dayashũmis peki”, iwanã, mia yuishanikiki. Xinaĩrakubaĩwẽ.

Tito 2:13

Haska hiwekũkaĩkĩ nukũ Deus binua inũ nukũ mekenã pepa kuxipa Jesus Cristo shanẽ ibuhairai ana nuku txĩtũshũkirãshanai manai nũ benimaii.

Tito 2:7

miãri mĩ hiweawẽ mĩ ikai keskai dasibibu hau pepa irianũbũ hatu yusĩkinã, hawa tsua beparanãma inũ, tatimama pe bestikĩ hatu ishũkĩ uĩmakubaĩwẽ.

Tito 3:7

Nukũmebi nũ Deus hawa pepa ashũtirumabiakẽ duapa nukuwẽ nuikĩ nukũ txakabu nuku buashũtã hawẽ pepawẽ hawẽ hiwekuĩti nũ bishanai nũ hawẽ manakanũ hawẽ Yushĩ Pepa nukuki dasiwaniki.

1 João 2:25

Haska Jesus Cristõ ma nuku yubabaini nũ ma haya hawẽ taea hiwei ikibi ika nũ ipashanaii.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

Judas 1:21

Haska inũ, Deus matuwẽ nuimis inũ matu putaisma unaĩ Jesus Cristo hanu hushanai mã manaiwẽ taea nukũ Shanẽ Ibu Jesus Cristo nukuwẽ dabanã ikĩ hiwekuĩa ikibi ika nuku inãshanikiki.

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 17:8

Yuinaka mese atimapahaira mĩ uĩshurã, bebũkiri hiwebiani natiã ana hiwea hayamabia haskabia ana hawẽ henei Deus kupimakĩ keyumayui kini keyatapa shãkĩhaira anua mapekei tashnia Deusũ yamawashanikiki. Haskakiranai mai damiwaitiã tsuabura Deusbe hiwekuĩshanaibu unaki Deusũ habũ kena netãma ini yuinaka mese atimapahaira mawabiani ana ũ unuatiã hiwea mapekea habũ uĩkĩ yui: ‘Habaa! Hawamẽ?’ ishãkanikiki.

1 Samuel 15:29

Txanima Deusũ hawẽ kushipawẽ Israelĩ enabu hatu duawakubaĩmis txanitxakaisma inũ hawẽ shinã betsa waismaki, huni betsa betsapabũ hatũ shinã betsa wamisbu keskamarã— aka