Salmos 63:2 - Kaxinawá Bíblia (BR)

² Mĩ tari hiwe meribi meranua ẽ mia uĩkatsis ikaii, mĩ kushipa inũ mĩ hawẽrua uĩ shinã txãkainã.

Salmos 63:2 Referencias Cruzadas

Salmos 27:4

Senhor Deusuũ, eska bestikiri ẽ mia yukaii, haska ẽ betxipaiairã. Senhor Deusuũ, bari tibi ẽ hiweawẽ mĩ hiwe merãshũ mĩ kushipa hawẽrua shinãkĩ ẽ mia kẽwãkatsis ikaii.

Salmos 42:3

Bariri inũ meshu merã kashai ẽ beũ hene habamisrã, harã, ẽ pitiki. Ẽ haskaitianã, bari tibi hawẽtsaĩs habũ ea bika wakĩ yukamisbuki: “Hanimẽ, mĩ mekenika Deusrã?” akinã.

Salmos 43:4

Senhor Deusuũ, mĩ ea yunua kai hanushũ mia kẽwãmisbu anu ẽ hikishanaii. Harishũ harpa mawaibũ benimakĩ ẽ mia kẽwãshanaii. Ẽ Deusuũ, miã besti ẽ hiwea benimawakĩ mĩ ea shinã txãkãwãmiski.

Isaías 60:13

Senhor Deusũ ana Jerusalém yuikĩ: “Ha hi hawẽrua kushipa tibi Líbano mati matipa anua matu anu beshãkanikiki, ẽ Templo ana hawẽrua wakĩ hanu ẽ tae ẽ hanashanai anu ea betxipaimati wakinã.

Jeremias 31:14

Hawenabu Deusbe hãtxashunikabũ piti pepa pikubaĩshãkanikiki. Ẽ hatu duawaya piti hamẽ ikai enabũ yaniwakubaĩshãkanikiki. Ea ẽ Senhor Deusũ ẽ hãtxawẽ ẽ matu mestẽwaiĩ”, iwanã,