Salmos 63:1 - Kaxinawá Bíblia (BR)

¹ Ẽ Deusuũ, mĩ ẽ Deuski! Mia ũpash manuai keska wakĩ miki nukunũ ika ẽ mia bena txakayamaii. Ha mai metu ũpash hayama anua nia keskashũ ũpash manutxakayamai keskakĩ ẽ hiwea hirabiwẽ mia betxipaikĩ ẽ mia benakubainaii.

Salmos 63:1 Referencias Cruzadas

2 Samuel 15:28

Jerusalém anushũ mã Absalão manaya enabube ẽ kaĩkirãshinaki. Hanu tsua hiweabumanu Hene Jordão napãpa puketi pe anushũ ẽ manayuaii, Absalãokiri haskarara hawẽ kaka mã ea yunuai manairã— hatu wa

Jó 8:5

Haskawẽ taeshũ Deus kushipahaira dasibi binua benariwe, hau miwẽ nuinũ haskakiri yukakubaĩkinã. Mĩ haska hiwei pepakĩ uĩmaya hawẽ pepawẽ mia merabewakĩ hawara sharabu mĩ ma benuima mia ana inãshanikiki.

Salmos 42:11

Deus ikũwaĩ haki txiti itã hawa heneama Senhor Deus ẽ mekenã ẽ kẽwãkubainaii. Ana punu nukatã ẽ hawa beshteketirumaki. Haskai ẽ hamapai tibiwẽ ẽ ana nuiamaki. Ha bestihaira ẽ Deus inũ ẽ mekenikaki!

Salmos 84:2

Mĩ tari hiwe hemaĩtĩ kenekauana merã hanu hikia haska mia betxipaihairai ẽ hari hanus ikatsis ikaii. Benima txakayamai ẽ huĩti hirabiwẽ mĩ Deus hiwea kãtakĩ ẽ kẽwãmiski.

Salmos 91:2

habũ Deus yuikĩ: “Mianã, mĩ ea irumamiski. Mĩ ẽ hiwe ewapa kushipaki. Mĩ ẽ Deus pepaki txiti ikĩ ẽ mia ikũwaiĩ.”

Êxodo 15:2

Hakiri ẽ kãtakũkainũ ea kushipa wakĩ Senhor Deusũ ea merabewamiski. Ẽ mekenika Deus kayabiki. Haskawẽ taeshũ heneama ẽ kẽhairawakubaĩshanaii. Ẽ epã mekenika Deus iniwẽ taeshũ hakiri hãtxa pepa besti ẽ hatu yuikubaĩshanaii.

Êxodo 17:3

nĩkabiatã yurabũ ũpash manuhairakĩ Moiséski ana ha ikĩ yuikĩ: —Haskakĩ nuku ũpash manumakĩ nuku inũ nukũ bakebu inũ nukũ inabu debu wanũ, iwanã, nuku bika wakĩ: “Bunãkãwẽ”, akawãkĩ Egito anua mĩ nuku iweimamẽ?— akubaunabu

Provérbios 8:17

Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 35:7

Hanu tsua hiweabuma anua betsai iã tsaushanikiki. Mai tsusĩhairabia hanu pashku debu itxapa hayashanikiki. Natiã hanu kamã inu besti hiwemis anurã, tsu ati tawa inũ ha una wati basi pepa beneshanikiki.

Isaías 41:18

Hanu tsua hiweabumanu mati keyatapa anua ẽ hene habamashanaii. Napaku anu txatxa tibi ẽ tsaũshanaii. Hanu tsua hiweabumanu iã pishta wakĩ ẽ newesh shanaii. Mai metu anu ẽ pashku habamabirãshanaii.

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Mateus 12:43

hatukiri Jesusũ miyui betsawẽ ana hatu yuikĩ: —Huni betsa anua yushĩ txakabu kaĩma kai huĩrukũkatsi iki hanu ũpash hayama anu kakũkaũkĩ hani huĩrukũti pepa betxiama xinãkĩ:

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

1 Samuel 22:5

hanushũ Deusũ hãtxa yuishunika Gadẽ Davi tapĩmakĩ: —Nenu huneti kushipa anu hanu hiwea bika teneama kaĩkaini minabu Judá maiwã pakea anu karitãwẽ— aka haska wa hawẽ hãtxa nĩkatã hawenabuya kaĩkaini ni shukua hawẽ kena Herete anu hikia hanu hiweyunibukiaki.