Salmos 32:6 - Kaxinawá Bíblia (BR)

⁶ Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Salmos 32:6 Referencias Cruzadas

Salmos 40:3

Nukũ mekenika Deus kẽwaĩ ẽ kãtaya ea ana benimahairawakĩ ẽ huiwẽ kãtati bena ea imaimaki. Ẽ haskai dasibitũ ea uĩkĩ nĩkai benimai shinã txãkãkĩ itxapabũ Deus shinaĩ haki txiti ikĩ ikũwaĩmabuki.

Salmos 42:7

Bika betsa betsapa mĩ ea tenemaii. Manaũria sai iki hawẽ hui mawa tsakatã tashniai keska mĩ hãtxa eki nukuai nĩkai ẽ nuitapakũkainaii. Henewã shubi kũyã ikai keska mekĩ ẽ teneaii. Hene tukash iki buspu tsaubiranai keska bika betsa betsapa ẽ tenekubainaii.

Salmos 91:7

Mia dapike mĩ yusmauria 1.000 mawai di itirubuki. Ha inũ, mĩ yusiuria 10.000 habiaskariai di iriatibubuki. Hakia miarã, mĩ hawa isĩ betsa teneama pe hiwekũkaĩshanaii.

Provérbios 1:28

Ha shaba haskaitiã tsuãra ea kenabiaya ẽ hawa hatu kemama ishanaii. Habũ ea benabiai hawa eki nukuama ishãkanikiki”, iwanã, hatu ana yuikĩ:

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

João 7:34

Haskakẽ matunã, hanira ẽ kai anu mã unãmabia ea benakĩ ea betxiama mã ishanaii, mã hari katirumawẽ taearã— hatu waya

2 Coríntios 1:4

Hamapai tibi mei nũ bika teneaya Deusũ nuku daewakĩ nuku benimawamiski. Nuku haska wamiswẽ taeshũ Jesus Cristo ikũwaĩ betsabu hawara mei bika tenei huĩti nixmaibu Deusũ ma nuku merabewamiskẽ hatuwẽri nuikĩ nũ hatu benimawariatirubuki.

1 Timóteo 1:16

Ea ẽ haskabiakẽ Deus ewẽ dabanã ikĩ ea kupikatsi ikama hau Jesus Cristo ewẽ nuikĩ ea merabewakĩ hĩ hĩ ikĩ hawaira xinãbaũs aismarã, ea uĩmani haska tsuabũra ea xinãkĩ ewẽ taeshũ habũri ea uĩkĩ Jesus Cristo ikũwãkĩ hiwea kayabi bishãkanikiki.

Tito 2:12

Haska Deus nukuwẽ nuikĩ pashati nuku unãmakĩ yusĩaĩnã, hawẽ txakabu atimapa tibi inũ hawẽ kemuti tibi na mai anushũ nũ amis hawẽ kuxipa pepawẽ nũ txitetirubuki, natiã hiwea bena bestiwẽ hiwekatsis ikĩ hawa ana xinã txakabuwẽ xinãma pe besti akĩ haska Deusũ nuku hiwemakatsi ikai hawẽ pepati akirã.