Salmos 32:5 - Kaxinawá Bíblia (BR)

⁵ Hakia haska tenekubaĩkĩ ẽ txakabu ana hunekatsi ikama shinã pewatã dasibi ẽ txakabu betsa ẽ miki txani keyuniki. Haska nĩkatã Senhor Deusuũ, mianã, mĩ ea bua keyushuniki.

Salmos 32:5 Referencias Cruzadas

2 Samuel 12:13

e itã haskaima Natã bebushũ Davĩ yuikĩ: —Senhor Deus danãkĩ txakabu betsa betsapa ẽ akimaki— ikaya kemakĩ Natãnẽ yuikĩ: —Mĩ txakabuwaimawẽ taeshũ Senhor Deusũ mia kupia mĩ mia mawama ishanaii.

2 Samuel 12:9

Haskakĩ mĩ ẽ hãtxa ea nĩka pewama ikimashũ ẽ haska betxipaiai keska mĩ akama danaĩmamẽ? Amom nawabu Heteu nawa Urias hatu tenãmanũ, iwanã, hau Urias nitxĩshanũ mĩ Joabe yunua Urias hatu tenãmaimaki, hatu haska wamatã hawẽ aĩ mina wakĩ bikatsirã.

Jó 31:33

Huni betsabũ kanetã yurabuki datehairakĩ hatũ txakabu hunekubaĩmisbu keska wakĩ eãri hawara hune kanekĩ txakabuwatã ẽ huneismaki, tsua parãmarã. Hamẽ ẽ txakabuwẽ taea enabu eki dakekĩ ea danãtirubuwẽ taea ẽ hiwe bepu keyutã ẽ nishma dakaismaki.

Salmos 51:6

Txanima huĩti pepa kayatapia hayabu mĩ hatu betxipaiaii. Mĩ unanepa uke meranua mĩ ea inãmiski, shabakabi ea tapĩmakinã.

Isaías 65:24

Habũ ea kenakĩ ea ea ariabuma eã dukũ hatu kemakĩ: ‘Hawamẽ?’ ẽ hatu wakubaĩshanaii. Ebe hãtxakĩ hawarakiri ea yuka keyuriabuma ẽ hawaira hatu nĩka keyukubaĩshanaii.

Jeremias 2:23

matu iki: “ ‘Nukurã, nũ hawa meshu detsismaki. Yushibubu txani nũ kẽwaĩsmaki’, ikĩ mã yuibiairã, pashku napaku anushũ hune txakabu hawara mã akubainima shinãkãwẽ. Txakabu dasibi mã akubaĩmis uĩkĩ shinãkubaĩkãwẽ. Camela yushã depesekeuma hamebi nia ishtxuakeakemis keskakĩ txakabu mã txibãmiski.

Jeremias 2:35

Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

Malaquias 3:8

eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

Lucas 16:15

Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,

Lucas 7:47

Haskakẽ ewẽ nuikĩ ea abuhairaiwẽ taeshũ hawẽ txakabu mirimabiakẽ ma ẽ buashuna mĩ unãtiruki. Hamẽ tsuãra txakabu eskarabes nũ buashuna mawaira ea inũ ẽ Epa xinã mirĩmisbuki— iwanã,

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka