Rute 2:20 - Kaxinawá Bíblia (BR)

²⁰ benimakĩ Noemĩ kemakĩ yuikĩ: —Nukunabu mawariabuma merabewani inũ nũ hiweriayuabu Senhor Deus pepatũ nuku merabewamiswẽ taeshũ ẽ kẽhairawaii. Boazrã, ẽ benẽ enabi kayabiki, merabewakĩ hau nuku mekenũwẽ, nukũ beya txibãkinã— aka

Rute 2:20 Referencias Cruzadas

2 Samuel 2:5

nĩkatã benimakĩ hãtxa bumisbu Davĩ yunukĩ: “Eska hãtxa ea hatu yuishũtãwẽ: ‘Matũ shanẽ ibu Saul duawakĩ hawẽ yura pewakĩ mã maiwaimawẽ taeshũ hau Senhor Deusũ hawẽ pepawẽ matu duawakubaĩshanũwẽ.

2 Samuel 9:1

Shaba betsatiã Jônataskiri shinãbaũ Davĩ hatu yukakĩ: “Ẽ haibu Jônatas shinãkĩ ẽ duawakatsi ikaiwẽ taea Saulũ enabu huni betsa tesheni hiweyuamẽ?” hatu wa

Provérbios 17:17

Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Filipenses 4:10

Bari betsatiã mã ea merabewani keskai mã ana ewẽ dabanã ikaya ẽ Shanẽ Ibuwẽ ẽ benimatxakayamaii. Haskakẽ mã ea hakimakiri ẽ xinãmaki. Hakia matũ hawara mã ea bumatirubia natiã ẽ txaikẽ haska washũ mã hawaira ea merabewatirubumaki.

Rute 2:21

hanushũ Rute ana banabimakĩ: —Ha dikabi shekiwã tseka keyuriabuma hawẽ dayaru aĩbuaibube dayakũkaĩkĩ ẽ hatubetã tseka keyushanũ ea yuishuki— aka

Rute 3:12

Txanima ẽ minabuki. Hakia minabu kayabi betsã ea binua mĩ bene kayabi hayariki.

Rute 4:14

Haskai aĩbuaibũ nĩkatã Noemi yuikĩ: —Natiã ha bakeishta ewatã hau hatũ mia mekeshanũ Senhor Deusũ mia baba inãshuwẽ taeshũ Senhor Deus kẽwanãkãwẽ. Mĩ baba ewaya hawẽ kena Israelĩ enabu dasibibũ unãkĩ hau pawabaũshanũbũwẽ, kẽwãkinã.

Rute 4:4

Haskaramẽkainã? mĩ nĩkaya ẽ mia yuiairã. Mĩ betxipaiairã, mĩ bitiruki. Na mapubaunabu inũ anibu unanepabu nukube tsaushũ nĩkakĩ uiaĩbũ documento watã biwe. Ea ẽ Elimelequẽ enabi kayabibiarã, ea binui mĩ hawenabu kayabihairawẽ taeshũ miã dukũ ha bai mĩ bitiruki. Mĩ biama ea yuiwe. Hakia mia katxurã, ẽ eaki. Ẽ eã bitiruki— aka —Peki. Haskakenã, eã ẽ biaiĩ— aka

Rute 4:6

haska wa nĩkatã kemakĩ yuikĩ: —Haska mĩ ea yuiayarã, ẽ bitirumaki. Ẽ epa mawakĩ hawena ea heneshũbaĩshanai ẽ benukĩ itimaska wakatsis ikamaki. Hawara ẽ itirubia ẽ mia heneshunai miã Elimelequẽ bake Malomnẽ bai inũ hawẽ aĩ miã bishãwẽ, aĩwãkinã— aka