Romanos 1:3 - Kaxinawá Bíblia (BR)

³ Haska nukũ Shanẽ Ibu kuxipahaira, Deusũ bake Jesus Cristorã, huni kayabi judeubũ shenipabu Davĩ baba kaĩshanaikiri Deusũ hãtxa yuishunikabũ kenenibu hayaki.

Kashinawa : Diosun Jesúswen taexun yuba bena yiniki

³ Jaska nukun Xanen Ibu kushipajaida, Diosun bake Jesucristodan, juni kayabi judiobun xenipabu Davidin baba kainxanaikidi Diosun jancha yuixunikabun kenenibu jayaki.

Romanos 1:3 Referencias Cruzadas

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Amós 9:11

Senhor Deusũ ana yuikĩ: “Davĩ enabũ mae nawabũ hatu babu watã di akĩ txakabuwanibu ana habianuri mishki di anibu benikĩ hatũ mae ẽ hatu kushipa washanai ma kemaikiki. Uatiã hiwenibu keska ana hiweshãkanikiki. Edom enabu hatiri tesheabu inũ yura shukuabu tibiki ẽ kena ẽ netani Israelĩ enabube hau ana dasinũbũ ẽ hatu kushipa washanaii”, itã hawẽ hãtxa Senhor Deusũ habias yuiai keska akĩ meneshanai yuinikiaki.

Mateus 1:1

Abraãonẽ baba inũ Davĩ baba Jesus Cristõ shenipabukiri matu yuinũ nĩkairakãwẽ.

Mateus 1:16

Jacõ bake betsarã, Mariã bene José inikiaki. Hanua Mariã bake betsarã, Jesus inikiaki, kenakĩ Messias Cristo nũ amisrã.

Mateus 1:6

Jessẽ bake betsarã, shanẽ ibu Davi inikiaki. Hanua Urias mawakẽ Davĩ Uriasĩ aĩ bishũ bakewa hawẽ bake betsa Salomão inikiaki.

Mateus 12:23

yurã kaiãnẽ uĩ: —Habaa! Yuu! Davĩ baba mekenika Deusũ nukũ shenipabu yubani habiamẽkaĩ. Hamaraka— ikeakeaibũ

Mateus 15:22

hanua judeubuma Canánawa aĩbu betsã Jesus betxitã txibaĩ kakĩ unãshubima huu akĩ kenakĩ: —Yusĩnaã, mĩ Davĩ babaki. Ewẽ dabanã ikĩ ẽ aĩbu bake yushĩ txakabũ ea bika tenemaĩkikiki. Ea kaĩmashũyuwe— akubiranaya

Mateus 26:63

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Mateus 9:27

Hanua shanẽ ibu Jairõ hiwe anua kaĩkainaya huni bekũ dabetã txibãkĩ hui kuxipawẽ yuikĩ: —Davĩ babaã, nukuwẽ nuiwe— akubainabu

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Lucas 1:69

Mĩ tsuma Davĩ baba betsa kuxipahaira mekenã kayabi nuku anu mĩ ma nuku nitxĩshũxinaki.

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 1:49

ikũwãkĩ yuikĩ: —Yusĩnaã, ikũ mĩ Deusũ bake kayabiki, Israelbũ shanẽ ibu dasibi binuarã— aka

João 10:30

Ea inũ ẽ Epa Deus ha dabe nũ bestitxai keskaki, dapashkanaismarã— hatu wa

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 20:28

uĩtãs damapaikĩ Tomẽ yuikĩ: —Txanima mĩ ẽ Shanẽ Ibuki, mĩ ẽ mekenã yushĩ Deusrã!— aka

João 5:25

Txanima ana ẽ matu yuiaii. Ẽ Epa Deusũ hawẽ hiwemati kuxipa hamebi hayatũ habias ea inãniki. Haskakẽ hanu bari hawẽ heneaitiã mawabũ ẽ hui nĩkatã besteĩ ana hiweshãkanikiki.

João 7:42

Hanua tashnikirãshanairã, “Davĩ mae Belém anua Davĩ babarã, Cristo Messias ishanikiki”, akĩ nuku keneshuniki. Haskakenã, Jesusrã, Deusũ Messiasmaki— akaibũ

Hechos 2:30

Habias Davi Deusũ hãtxa yuishunika hawẽ yurakiri hamebi hãtxama hakia hawẽ baba betsa kaĩriamakiri Deusũ yubakĩ shanẽ ibuhaira ishanai unãmakĩ yuimaniki.

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Hechos 8:36

ma hatishũra ka iãki kemakĩ haska Filipẽ dama yusĩshu Etíopianawã yuikĩ: —Uĩa. Ma mĩ ea yuikubiranai ẽ ikũwaĩwẽ taeshũ ana ẽ hawamamẽ, na hene anu mĩ ea naximatirurã?— atã

Hechos 9:20

Hanu hatube hiweyushũ hanu judeubu itxamisbu betsa betsapa anushũ Saulõ hatu yusĩ taewakubaũkĩ: —Jesusrã, Deusũ bake kayabiki— akĩ hatu yuikubainaya

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 4:1

Deusũ hãtxa yuishunikatũ nukũ shenipabu Abraãokiri keneni eska yuiaki. Deusũ hãtxa Abraãonẽ ikũwãniwẽ taeshũ Deusũ xinãkĩ: “Abraão huni pepaki”, akinã, Abraãonẽ Deus ikũwãkubainai anikiri matu yuinũ nĩkakãwẽ. Abraãokiri Deusũ xinãkĩ: “Abraão pepai hiwekũkainaiwẽ taea huni pepaki”, ikaya Abraão ibubis kẽkeaniki. Hakia pepai hiwekũkainaiwẽ taeama hakia hawẽ hãtxawẽ Deusũ yubai nĩkakĩ tapĩtã ha besti Abraãonẽ txibãkubainiwẽ taeshũ Deusũ Abraãokiri pe unãti wakĩ xinãniki.

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Coríntios 1:9

Ha inũ, Deusũ bake nukũ Shanẽ Ibu Jesus Cristobe mã hiwekubaĩshanũbũ Deusũ matu katunitũ duawakĩ hawa matu hakimakĩ henebainama ishanikiki, haska yubakani amis betsa wakĩ kaneismawẽ taearã.

1 Coríntios 10:18

Israelbukiri matu yuinũ nĩkairakãwẽ. Habũ hawẽ txakabuwẽ taeshũ kẽwãti piti Deus inãbu nami teshe Templo anu dayanikabũ bushũ pimisburã, habia dabetã Deus kẽwãkanikiki, na habũ inaĩbu inũ Templo anu dayamisbunã.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

2 Timóteo 2:8

Nukũ shenipabu shanẽ ibu pepa Davĩ baba Jesus Cristo mawa Deusũ ana bestẽwani kaka pepa datã akĩ ẽ hatu yusĩmisrã, hakimama xinaĩrakubaĩwẽ.

1 João 1:3

Ha kakape nukubũ uĩkĩ nũ nĩkanirã, Epa Deus inũ hawẽ bake Jesus Cristobe nũ hatube dasia keskariai maturi mã nukube dasirianũbũ nũ matuki txanikũkainaii.

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.

1 João 4:15

Hamẽ tsuabũra yuikĩ: “Txanima Jesus Deusũ bake kayabiki”, ikaiburã, Deuski dasia hiweabu inũ Deus hatuki dasiriaki.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.

1 João 5:20

Deusũ bake tashnitanã, hamẽ huama Deus hiwemanika kayabi nũ unãshanũbũ hawẽ unãnepa nuku inanũ ika huni nũ unaiĩ. Nũ ma ha txanima kayabiki dasia hiweaburã, harã, hawẽ bake Jesus Cristoki nũ ikaki, habias Deus mekenika kayabitũ hiwei ikibi ika nuku inãmisrã.

1 João 5:5

Hanushũ: “Jesus Deusũ bakeki”, akĩ tsuãra ikũwãkĩ yuikinã, habu bestitũ Deus danaĩbu hatu binukanikiki.

2 João 1:7

Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki.

Apocalipse 2:18

Ana Jesusũ ea yuikĩ: “Hatũ Deusũ hãtxa yuinika Tiatira anu itxamisbu mekea na hãtxa ẽ mia yuiai keneshũriwe: ‘Ẽ Deusũ bakẽ, na ẽ beru txi here txasha keska inũ na ẽ tae mane taxipa betsa hawẽ kena latão reluzente dẽke dẽke aka txashahaira keskayatũ ẽ matu yuiai nĩkakãwẽ.