Romanos 1:3 - Kashinawa : Diosun Jesúswen taexun yuba bena yiniki

³ Jaska nukun Xanen Ibu kushipajaida, Diosun bake Jesucristodan, juni kayabi judiobun xenipabu Davidin baba kainxanaikidi Diosun jancha yuixunikabun kenenibu jayaki.

Kaxinawá Bíblia (BR)

³ Haska nukũ Shanẽ Ibu kuxipahaira, Deusũ bake Jesus Cristorã, huni kayabi judeubũ shenipabu Davĩ baba kaĩshanaikiri Deusũ hãtxa yuishunikabũ kenenibu hayaki.

Romanos 1:3 Referencias Cruzadas

Mateus 1:1

Abrahamnen baba inun Davidin baba Jesucriston xenipabukidi matu yuinun ninkaidakanwen.

Mateus 1:16

Jacobun bake betsadan, Marían bene José inikiaki. Janua Marían bake betsadan, Jesús inikiaki, kenakin Mesías Cristo nun amisdan.

Mateus 1:6

Jesén bake betsadan, xanen ibu David inikiaki. Janua Urías mawaken Davidin Uríasin ain bixun bakewa jawen bake betsa Salomón inikiaki.

Mateus 12:23

yudan kaianen uin: —Jabaa! Yuu! Davidin baba mekenika Diosun nukun xenipabu yubani jabiamenkain. Jamadaka— ikeakeaibun

Mateus 15:22

janua judiobuma Cananawa ainbu betsan Jesús bechitan chibain kakin unanxubima juu akin kenakin: —Yusinaan, min Davidin babaki. Ewen dabanan ikin en ainbu bake yushin chakabun ea bika tenemainkikiki. Ea kainmaxunyuwe— akubidanaya

Mateus 26:63

Jesús pes jawa yuiama niken Diosbe nukunabu janchaxunika xanen ibujaidatun ana yuikin: —Dios jiweatun mia ninkaya jau min chani chakayamanun en mia yunuai, chanima nuku yuiwe. ¿Jabia min miamen ikaidan, min Diosun bake nukun mekenan Mesías Cristodan?— aka

Mateus 3:17

yudabu ninkamai nai anua jui taxnikin yuikin: “Nadan, en bakeki. En bechipaijaidaii, en Katuadan”, anikiaki.

Mateus 9:27

Janua xanen ibu Jairon jiwe anua kainkainaya juni bekun dabetan chibankin jancha kushipawen yuikin: —Davidin babaan, nukuwen nuiwe— akubainabu

Lucas 1:35

jawen nuikin nai tsuman ana yuikin: —Kushipa jatu binuatun jawen kushipawen jawen Yushin Pepa yunua mikia dami naneima kainmaxun jatun Dios chibanyan: “Jadan, medibi Diosun bakeki”, ixun kenakubainxankanikiki.

Lucas 1:69

Min tsuma Davidin baba betsa kushipajaida mekenan kayabi nuku anu min ma nuku nichinxunshinaki.

João 1:14

Janua jawen Shinain Janchati yuda kayabi jayanun ika ainbu medanu naneima kaian Diosun bake bestichai ewatan nuku anua yumetan ewani jiwea jawen Epa Dios itsa kushipa duapajaida nun uinpauniki, nuikipa jaya inun chani chakatima jancha jayadan.

João 1:49

ikunwankin yuikin: —Yusinaan, chanima min Diosun bake kayabiki, Israelbun xanen ibu dasibi binuadan— aka

João 10:30

Ea inun en Epa Dios ja dabe nun bestichai keskaki, dapaxkanaismadan— jatu wa

João 10:36

Diosun ea medibi waxun yudabu anu ea yununidan, ean yuikin: “En Diosun bakeki”, en ikaiwen taexun: “Min Dios ichaii”, ikin ea chitekin man kaneaii.

João 20:28

uintans damapaikin Tomásin yuikin: —Chanima min en Xanen Ibuki, en mekenan yushin Diosdan!— aka

João 5:25

Chanima ana en matu yuiaii. En Epa Diosun jawen jiwemati kushipa jamebi jayatun jabias ea inaniki. Jaskaken janu badi jawen jeneaitian mawabun en jui ninkatan bestein ana jiwexankanikiki.

João 7:42

Janua taxnikidanxanaidan, “Davidin mae Belén anua Davidin babadan, Cristo Mesías ixanikiki”, akin nuku kenexuniki. Jaskakenan Jesúsdan, Diosun Mesíasmaki— akaibun

Hechos 2:30

Jabias David Diosun jancha yuixunika jawen yudakidi jamebi janchama jakia jawen baba betsa kaindiamakidi Diosun yubakin xanen ibujaida ixanai unanmakin yuimaniki.

Hechos 3:13

Nun jaskamaki. Matu yuinun ninkakanwen. Jabias nukun xenipabu Abraham inun, Isaac inun, Jacobun Dios kenwanpaunibun na juni ma xuxawaxuki. Ja inun, jawen bake bechipaijaidakin Diosun nukuwen taexun kenjaidawabiamisken danankin matubu jaki sinatakin achixun nawa xanen ibujaida anu man iyua januxun Pilaton shinan pewatan tenankatsi ikama nichinpanan man nemaimaki.

Hechos 8:36

ma jatixunda ka ianki kemakin jaska Felipen dama yusinxu Etiopianawan yuikin: —Uian. Ma min ea yuikubidanai en ikunwainwen taexun ¿ana en jawamamen, na jene anu min ea nashimatidudan?— atan

Hechos 9:20

Janu jatube jiweyuxun janu judiobu ichamisbu betsa betsapa anuxun Saulon jatu yusin taewakubaunkin: —Jesúsdan, Diosun bake kayabiki— akin jatu yuikubainaya

Romanos 1:9

Jaska inun, Dios besti duawanun, iwanan, jawen bakewen nukun chakabu Diosun nuku buaxunkatsis ikai jawen bakekidi dasibi en kushipawen jatuki chanikunkauni matu jakimama matu ea axunkin Dios en yukakubainmis Diosun unainkiki.

Romanos 4:1

Diosun jancha yuixunikatun nukun xenipabu Abrahamkidi keneni eska yuiaki. Diosun jancha Abrahamnen ikunwaniwen taexun Diosun shinankin: “Abraham juni pepaki”, akinan, Abrahamnen Dios ikunwankubainai anikidi matu yuinun ninkakanwen. Abrahamkidi Diosun shinankin: “Abraham pepai jiwekunkainaiwen taea juni pepaki”, ikaya Abraham ibubis kenkeaniki. Jakia pepai jiwekunkainaiwen taeama jakia jawen janchawen Diosun yubai ninkakin tapintan ja besti Abrahamnen chibankubainiwen taexun Diosun Abrahamkidi pe unanti wakin shinaniki.

Romanos 9:3

Jaskaken enabu Israelbun jau Cristo ikunwanunbun jatu medabewanun ika ean eska en jatukidi shinankubainaii. Ea kayabis Diosun jau jatuwen ea kupinun ika jatuwen taea Cristo dapaxkatan jaskatan enabu kayabi en jatu medabewatidu daka ixun jatukidi en shinankubainaii, jau enabun Cristo ikunwanunbunan.

Romanos 9:5

Jabiadi nukun xenipabu Israelbu anua Mesías Cristo yuda kayabitan taxniniki. Nukun mekenika Diosun dasibibu mekei xanen ibujaidamisdan, kenwankin jeneyamakubainankanwen. Jaskakidan.

1 Coríntios 1:9

Ja inun, Diosun bake nukun Xanen Ibu Jesucristobe man jiwekubainxanunbun Diosun matu katunitun duawakin jawa matu jakimakin jenebainama ixanikiki, jaska yubakani amis betsa wakin kaneismawen taeadan.

1 Coríntios 10:18

Israelbukidi matu yuinun ninkaidakanwen. Jabun jawen chakabuwen taexun kenwanti piti Dios inanbu nami texe Templo anu dayanikabun buxun pimisbudan, jabia dabetan Dios kenwankanikiki, na jabun inainbu inun Templo anu dayamisbunan.

Gálatas 4:4

Dios yubakakin janu jawen bake yunutiwani menekin Diosun jawen bake yunua jua ainbukia kaintan Moisin yusiniwen yumetan jatun Moisin yusini chibankin ja yudabu jawen mekeaibu jatun kupiti nuku bixuanyan chanima kayabi Diosun bakebu benimai nun pepaxanunbun jawen bake xabakabi dami watan taxnimaniki.

1 Tesalonicenses 1:10

Jaska bestikidi man shinanma jakia Diosun bake Jesús mawa ana bestenwani nai anua chintunkidan ana juxun nuku mekeaya jakia yudabu chakabumisbu Diosun jatu kupikin jau nuku meama ixanun, iwanan, unankin uinxanun ika man manakanaii.

1 Timóteo 2:5

Jaskawen taea eska Dios jawen shinan jayaki. Diosdan, bestichaiki. Janua nuku itsa jabe janchaxunmisdan, bestichaidiki, ja Jesucristodan, Dios nuku daewaxuni janchaxunmisdan.

1 Timóteo 3:16

Dasibi Jesucristo nun ikunwainwen Diosun nuku duawai nun unan keyutidumabia chanima xabakabi jaska wani jaska shinain tsuabuda jaskakidi yui nun jawen ja itidubumaki. Jakia jawen bake ikunwankin Dios nun benimawatiduki. Eskaki, mia yuinun ninkawe: Cristo juidan, junin yuda bitan taxniniki. Cristodan, jawa chakabu jayama pepa bestiki, iwanan, Diosun Yushin Pepatun jawen jiweakidi yuiniki. Bestenkaina Diosun nai tsumabundi uindiakubainibuki. Ja inun, nawa betsa betsapa anuxun Jesúsun tsumabun kakape jakidi yusinkubaunaibun ichapabun ikunwainbun Diosun nai anu ana jawendi ainitan xanen ibu wani nun unaiin.

2 Timóteo 2:8

Nukun xenipabu xanen ibu pepa Davidin baba Jesucristo mawa Diosun ana bestenwani kaka pepa datan akin en jatu yusinmisdan, jakimama shinaindakubainwen.

1 João 1:3

Ja kakape nukubun uinkin nun ninkanidan, Epa Dios inun jawen bake Jesucristobe nun jatube dasia keskadiai matudi man nukube dasidianunbun nun matuki chanikunkainaii.

1 João 3:23

Jawen bake Jesucristo nun ikunwanxanunbun inun nun bechipainamekubainunbun Diosun jawen yunuti yununiki. Jabias keskadi jawen baken nuku yunudianiki.

1 João 3:8

Jakia tsuanda chakabu akubainaibudan, Satanás chibankin akanikiki. Bebunkidi Satanásan Dios ninkama jatun dukuntun jakidi chakabuwanixun jatun jatu amakubainikiki. Jaskawen taea Satanásan jaska jatu amakubainmis yamawakin keyunun ika Diosun bake taxniniki.

1 João 4:15

Jamen tsuabunda yuikin: “Chanima Jesús Diosun bake kayabiki”, ikaibudan, Dioski dasia jiweabu inun Dios jatuki dasidiaki.

1 João 5:1

Tsuabunda Jesús ikunwankin yuikin: “Chanima Jesús Diosun Mesíaski”, akin yuiaibudan, Diosun bakebuki. Ja inun, tsuanda Epa Dios bechipaiaidan, Diosun bake betsabudi bechipaidiaikiki.

1 João 5:20

Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.

1 João 5:5

Januxun: “Jesús Diosun bakeki”, akin tsuanda ikunwankin yuikinan, jabu bestitun Dios danainbu jatu binukanikiki.

2 João 1:7

Yusinan ichapabu padananain mapuxun: “Jesucristo Dios anua taxnitanun ika nukun yuda bitan kaianma iniki”, ikin jabun ikunwanbuman jatu unanmakatsis ibiakin xabakabi jakidi chanikin yui pewabumaki. Ja jabun jaskakin yuiaibudan, ja juni yusinanbudan, jakidi padananankanikiki. Jaskabu anua junin Jesucristo xanen ibu mebinun ika jaki sinatai jaki bepadamei taxniaki.

Apocalipse 2:18

Ana Jesúsun ea yuikin: “Jatun Diosun jancha yuinika Tiatira anu ichamisbu mekea na jancha en mia yuiai kenexundiwe: ‘En Diosun baken, na en bedu chi jede chaxa keska inun na en tae mane tashipa betsa jawen kena bronce denke denke aka chaxajaida keskayatun en matu yuiai ninkakanwen.