Provérbios 8:9 - Kaxinawá Bíblia (BR)

⁹ Habũ itxapa shabakabi tapĩtirubu inũ shabakabi nĩkatirubunã, ẽ hãtxari shabakabi pepa nĩkakĩ hawa ẽ kaneama nĩkamisbuki.

Provérbios 8:9 Referencias Cruzadas

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.

Provérbios 15:14

Huni shinã unanepatunã, ana tapĩhairanũ ishũ shinã bena nĩkakubaĩmisbuki. Hakia unaĩsmapabũ hawa pepa unãma atimapa besti shinãkĩ yui hiwemisbuki.

Provérbios 15:24

Deusũ bai nai anurã, hanu unanepabu butirubuki, txakabu mawa hanu hatu kupishanai anu buama piskuirã.

Provérbios 17:24

Hawaira tapinikatunã, hawẽ unanepawẽ haska shinãkĩ akatsis imiski. Hakia unaĩsmapatũ hawa pe shinãma haska akatsis ikai mawaira hakiri shinã pewaisbumaki.

Provérbios 18:15

Unanepa tapinikabunã, unanepa hãtxa sharabu benakĩ ana tapĩkubaĩmisbuki.

Provérbios 3:13

Prata mane hushupa inũ ouro mane itxawai hawẽ pepabiaibũ hakia tsuara unanepai nĩkanikakĩ ouro inũ prata binumakĩ dasibi nĩkakĩ tapĩ keyutã hawẽ benimakĩ hatu binukubaĩshãkanikiki.

Isaías 35:8

Habianuri kapuketi bai betsa hawẽ kena kenakinã, “Bai Meribi Deusunaki”, ashãkanikiki. Tsuabũra hatũ txakabu pewai txukisbuma ha baiwẽ butirubumaki. Nĩkaisbumari hanu mapui hawẽ kapuketirubumariki.

Miquéias 2:7

Nũ Jacó enaburã, tsuã nuku yuputirumaki. Deus hĩ hĩ ikama teneshũ nuku manamisrã, ma benuamẽ? Haskamismẽ, Deusrã?” ikaibũ hakia Senhor Deusũ yuikĩ: “Tsuara hiwei pekubainaibu ẽ hãtxã hatu merabewakubaĩmiski.

João 7:17

Tsuabũra Deusũ xinã akatsi ikinã ẽ akai unãtã haska txanimamẽkaĩ ikĩ na ẽ yusĩaĩ: “Deus anua huimẽkaĩ, ẽ ibubis ẽ xinãnẽ ikimẽkaĩ”, mã unãtirubuki.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.