Provérbios 8:21 - Kaxinawá Bíblia (BR)

²¹ Tsuabũra ea betxipaiaiburã, hawena ẽ inaiĩ, hamapai pepa bitã hawẽ hiwe anu arukĩ hau itxawashanũbunã.

Provérbios 8:21 Referencias Cruzadas

Gênesis 15:14

Hatu haska waibu uĩtã eãri hatu unãti watã ẽ hatu kupishũshanaii. Habũ hatu itxakawaibu nawabu ẽ hatu kupishunaya minabu kaĩbaini pashashãkanikiki, hatũ mabu itxapa bibaini buirã.

Salmos 16:11

Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.

Provérbios 1:13

Hatu haska watã hatũ mabu yumetsushũ mabu betsa betsapa pepa bitã nukũ hiwe tibi nũ mata watiruki.

Provérbios 10:22

Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Provérbios 15:6

Huni pepa itxakanikamatũ hiwe anurã, mabu inũ piti itxapa hayakũkaĩmiski. Hakia huni txakabubũ mabu inũ piti itxawabiai hawẽ hawara bibiakinã, hawa ibubis pe merabe bitirubumaki.

Provérbios 21:20

Huni unanepatũ hawẽ hiwetã piti inũ sheni inĩti inũ mabu pepa sharabu itxawatã unãshubira me pewakubaina hawẽ mabu hawaira keyutirumaki. Hakia huni unaĩsmapatũ hawẽ hiwetã piti inũ mabu pepa itxawabiatã meke pewama hawaira puta puta amisbuki.

Provérbios 6:31

Hakia hune yumetsuaya betxitã atxiabu ha hunĩ hawara hatuna yumetsushurã, hau 7ki hawẽ mabu hau ana ibu inã keyunũwẽ, dasibi hawẽ hiwe anu mabu hawara haya inã keyukinã.

Provérbios 8:18

Ea benakĩ ea shinaĩbu pewẽ hatu manakukĩ hatũ hiweti mabu pepa inũ benimai hiweti ẽ hatu inãkĩ duawamiski.

Provérbios 8:20

Ẽ ea unanepa kairã, bai pepa yushtumawẽ kakĩ hawa hatu kanemama yunuti kushipa ẽ hatu unãti wamakubaĩmiski.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Romanos 8:17

Haskakẽ Cristoki nũ ma dasiabuwẽ taea nũ ma Deusũ bakebuki. Haska inũ, yura betsabũ hawara bika nuku tenemaibu Cristõ tenekubaini keska wakĩ hawa yuiama nũ tenekubainaii. Haskawẽ taea naiuri hawa ana bika teneama nũ habe hiweshanaii.

Hebreus 10:34

Jesusunabu betsabu hatuki sinatakĩ bitxiti hiwe merã hatu bitxiabu nuitapaibuki mã batãtanaya matũ mabu inũ matũ hiwe matu biãbũ hawa yuiama benimakĩ matũ hamapai hatu heneshũkĩ Deus kẽwãkĩ hawẽ mae pepa nai anu hawa txapuisma hanu hiwei ikibi iki mã kashanai haska mã xinãkubaĩyamaki.

1 Pedro 1:4

Nai anu hawa yamatiruma inũ, mexu tsamitiruma inũ, hawa txapui niri itiruma Deus matuki tanatã hawara pepa aruni Jesus Cristõ hawẽ manakukĩ matu inãkeakeshanikiki, mã hawẽ hiweshanũbunã.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.

1 Samuel 2:8

Deusũ mai hirabi dami wakĩ haki maputi wanirã, hawenaki. Haska wakĩ dami washũ haki dasibi yunukĩ mapũbauniki. Haska dami wani hawẽ kushipawẽ taeshũ mai anu mania nuitapai hawauma hiweabu merabewakĩ hatu benimiski. Ha dikabi txaka putati anua pei ea imisbu merabewakĩ hatu kenatã shanẽ ibubube hatu tsaũtã hau yurabũ hatu kẽwanũbũ Senhor Deusũ hatu haska wamiski.