Provérbios 8:17 - Kaxinawá Bíblia (BR)

¹⁷ Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Provérbios 8:17 Referencias Cruzadas

Salmos 91:14

“Hau huni txakabubũ meyamanũbũ ha ẽ tsuma pepatũ ea betxipaikĩ ea unaĩwẽ taeshũ eã ha mekekĩ ẽ pashawashanaii.

Provérbios 1:28

Ha shaba haskaitiã tsuãra ea kenabiaya ẽ hawa hatu kemama ishanaii. Habũ ea benabiai hawa eki nukuama ishãkanikiki”, iwanã, hatu ana yuikĩ:

Provérbios 2:4

Pei inũ mabu pepa hunea binũ, iwanã, benamisbu keska wakĩ unanepati hãtxa tapinũ, iwanã, benahairakubaĩshãwẽ.

Provérbios 2:5

Mĩ haska benaiwẽ taea haska Senhor Deus duawai mĩ dayashũtiru inũ mĩ hakiri tapĩkĩ unãhairashanaii.

Provérbios 4:6

Unanepa kayabi tapĩkĩ betxipaikĩ heneyamawe. Mĩ haska waya hatũ mia mekeshũ unãmakubaĩshanikiki.

Provérbios 8:16

Ewẽ taea mai pakea anua shanẽ ibubu inũ, hatũ bakebu inũ, shanẽ ibu beshmasbũ hawara pe inũ hawara txakabu hatunabũ akaibu pewẽ besti hatu yunukĩ unãti watirubuki.

Isaías 45:19

Ea hãtxairã, hune ẽ isma inũ hanira mai anu hunea meshu anua ẽ ismariki. Jacó enabu eã hatu yuikĩ: ‘Hanira tsua niama anu ea benakãwẽ’, ẽ hatu aismaki. Ea ẽ Senhor Deus txanima ẽ hãtxamisrã, kaneama ikũ kayabi ẽ yuiaii”, iwanã,

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Marcos 10:14

Jesusũ uĩ hawẽ tsumabuki sinatakĩ hatu yuikĩ: —Hatũ bakebu ea anu iweaibu hatu nemayamakãwẽ. Deus shanẽ ibuaitianã, na bake mixtĩbu eki dateabuma keskabu besti Deuski dasishãkanikiki— hatu watã

João 14:21

Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 16:27

ẽ Epa Deus matuwẽ nuikĩ abuaiwẽ taeshunã. Deus anua ẽ huni ikũwãkĩ mã ea abuaiwẽ taeshũ Epa Deus matuwẽ nuikĩ matu aburiaikiki.

João 7:37

Nawai keyui hawẽ henei ma shaba dabe inũ besti kaya nawai besi bexiã ma kakatsi keyui dasibi itxahairabũ Jesus benikawã hãtxa kuxipawẽ hatu yuikĩ: —Ũpash manuhairai mã tetsusinairã, eanu beshũ aki bekãwẽ, ea ikũwãkinã.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.