Provérbios 8:13 - Kaxinawá Bíblia (BR)

¹³ Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Provérbios 8:13 Referencias Cruzadas

Jó 1:1

Mai pakea ewapa Uz anu huni betsa Jó hiwea huni pepa hawa Deuskiri txakabuismatũ Deuski mesekĩ dayashũkũkaĩkĩ hawa txakabu mekĩ tsua txakabuwakatsi ikama hiwepaunikiaki.

Êxodo 1:17

hakia hatu haska wabia habũ bake kaĩmamisbũ hawa shanẽ ibũ yunuti hãtxa nĩkashunama Deusũ kushipaki mesei datekĩ huni bakebu kaiaĩ hawa hatu meama hiwemakubainaibuwẽ taeshũ

Provérbios 10:31

Huni pepã kesha anua hãtxa unanepa tashnimiski. Hakia habũ txakabu yuikubaĩmisbu kupikĩ hatũ hana meshtea keska wakĩ hatu nesewashanikanikiki.

Provérbios 15:9

Haska huni txakabubũ shinã pewama hiwekubainaibu Senhor Deusũ hatu danãkĩ betxipaismaki. Hakia huni pepabũ pepa txibaĩ hiwei pekubainaibu Senhor Deusũ hatu betxipaimiski.

Provérbios 16:18

Ha dukũ kanei ibubis kẽkũkainaiwẽ taearã, txipu txakabu dasibi hukĩ beshte keyushanikiki.

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Provérbios 4:24

Txanitxakakĩ mĩ yuiarã, txakabuharaki. Ha henekĩ haska ana shinãyamakubaĩshãwẽ.

Provérbios 6:12

Huni txakabubũ hatu txakabuwamis pe shinãma txanitxakakĩ txani besti hatu yuibaũmisbuki.

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Amós 6:8

Nukũ Deus kushipahaira dasibi binua Senhor Jeová ibubis hãtxakĩ eska ea yuishinaki: “Jacó enabu ibubis kẽkubainaibu danaĩ ẽ hatuki sinatahairakũkainaii. Hatũ hiwe ewapa hawẽrua betsa betsapa tibi betxipaiama hatũ maewã inũ hawara dasibi haya hatuki sinataibu yunukĩ dasibi hatu inãkĩ hatu atximatã ẽ hatu ibu wamashanaii”, ikĩ hawẽ hãtxa mestẽwãshinaki.

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

1 Tesalonicenses 5:22

Hamapai txakabu xarabu danãkubaĩkãwẽ, nĩkamarã.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

1 Samuel 2:3

Nukũ mekenika Senhor Deusũ dasibi unãmiswẽ taea hau keĩ tsua hãtxayamakubainũbũwẽ. Haska yurabũ amisbu unãti wakĩ pepawẽ inũ txakabuwẽ mĩ hatu kupimiski.