Provérbios 7:13 - Kaxinawá Bíblia (BR)

¹³ ikushũ hãtsu hãtsu atã hawa dakeama yuikĩ:

Provérbios 7:13 Referencias Cruzadas

Gênesis 39:12

hawẽ tsumapã ainẽ José hawẽ tari txaipa saweawẽ tsumashũ yuikĩ: —Natiã ẽ mia txutamakatsis ikaii. Ea txutawe— abia mekatsi ikama hawẽ tsuma datei kaĩkaĩkĩ hawẽ mekẽ anu hawẽ tari heneshũbaini tashnikainaya

Gênesis 39:7

betsatiã hawẽ tsumapã ainẽ José hawẽrua uĩkĩ hawẽ kemui betxipaikĩ txutamakatsi ikĩ yuikĩ: —Ẽ mia betxipaiaii. Mibe hãtxapa?— aka

Provérbios 21:29

Huni txakabubu datebiai bemakis mestẽ pe itsai mapumisbuki. Hakia huni pepabu hawa shinã txakabuwaismawẽ taea dateama hiwekubaĩmisbuki.

Provérbios 9:15

hunibũ hawa shinãma hatũ shinã pepawẽ bai tanabaini buaibu ha nĩkaisma patapa aĩbu keskatũ hatu kenakĩ:

Isaías 50:7

Senhor Jeová ea merabewamiswẽ taea tsuabũra ea itxakawakĩ ea isĩ tenemaya datei txĩtuãma tenea ẽ mishki kushipa keskaki. Ẽ shanẽ ibu kushipatũ ea mekeaya habiatiãri eki kashebiaibũ hawa datei ẽ hawa dakeama ishanaii.

Ezequiel 2:4

Hamẽ hatũ bakeburã, huĩti kushi inũ bushka kushi shinã betsa wakatsi isbuma anu ẽ mia yunuaii. Kashũ hatu yuikĩ: ‘Senhor Deusũ eska matu yuikiki’,

Ezequiel 2:6

Mia mĩ hunirã, habuki dateyamashãwẽ. Ẽ hãtxa mĩ hatu yuibia haburã, eskabũ mia atxia mĩ hiweshanaii. Mushã mia yabubauna keska inũ nibube mĩ hiwea keskashanaiwẽ taea hatuki mesei dateyamashãwẽ. Haburã, nĩkatirubuma sinatahairabuki. Haskawẽ taea habũ hawara yuikĩ mia datetirubuwẽ e iki dateyamashãwẽ.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.