Provérbios 6:29 - Kaxinawá Bíblia (BR)

²⁹ Habiaskariai huni betsã aĩ beneyabiakẽ habe txutanamemisrã, txanima hawẽ kupiti bishanikiki, txi dekẽ ikua keskairã.

Provérbios 6:29 Referencias Cruzadas

Gênesis 20:2

habiatiãri hawẽ aĩ Sarakiri hatu parãkĩ hatu yuibaũkĩ: —Ẽ puiki— hatu wa hawẽ aĩ yushabubia Sara hawẽruahairakẽ aĩwãkatsi ikĩ Gerar nawa shanẽ ibu Abimeleque hawẽ tsumabu Sara hatu iwematã meriama

2 Samuel 11:27

txipu Bate-Seba kasha neseshĩkẽ hau itanũbũ Davĩ hatu yunua ishũtanabu hawẽ hiwe hawẽrua anu Davĩ maewashĩshũ aĩwãshina bebũkiri tuyaima huni bake kaĩbiakẽ haska Davĩ Urias itxakawaimawẽ taea Senhor Deus hawẽ benimama inikiaki.

2 Samuel 16:21

Aitofelĩ kemakĩ Absalão yuikĩ: —Hawẽ hiwe hawẽrua hau mekeshunũbũ hawẽ 10 nãtakea aĩ hawẽ dayarubu mĩ epã hatu bashibaĩshina habu tibi txutã keyuwe. Mĩ haska waya Israelĩ enabu dasibibũ nĩkakĩ mĩ epa danãkĩ mĩ sinatamai unãshãkanikiki. Ha dikabi habũ mia txibaĩbu dasibibu ana benimashãkanikiki— aka

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Provérbios 6:28

Ha inũ, huni betsa txi dekẽki paia hawaira hawẽ tae menuriamiski.

Ezequiel 18:6

Hawenabũ beya mati meribi anushũ yushibu dami kẽwaĩbu anushũ hatubetã pi txakabukũkaĩsma inũ, kanekĩ Israelĩ enabũ mekenika yushibu txani duawai haki txiti isma inũ, hatu dapi hiweabu hatũ aĩ hawa hatu meĩsma inũ, hawẽ aĩ himi ikai txutaisbumarã,

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

1 Coríntios 7:1

Ea kene bemakĩ hawara mã ea yukaima matu yuinũ nĩkakãwẽ. Hunĩ aĩbu bikatsi ikama inũ txutakatsi ikamarã, haska peki.