Provérbios 6:19 - Kaxinawá Bíblia (BR)

¹⁹ huni betsã txakabuwashu hatũ hawa uiãmabia txanitxakai shanẽ ibuki txanimisbu inũ, betsabu hau sinatanamenũbũ hatu txaniwẽ parãmisbu habu dasibirã, hatuki sinatakĩ Senhor Deusũ hatu kupishanikiki.

Provérbios 6:19 Referencias Cruzadas

Êxodo 20:16

Ha inũ, betsarã, yura betsa haskamabiakẽ hamẽmẽs hakiri txanitxakakĩ nuitapawayamashãkãwẽ.

Provérbios 12:17

Huni pepabũ hawara ikaibu uĩ pewatã txanima hãtxa besti yuimisbuki. Hakia huni txakabũ hawara uĩ pewamabia txanitxaka bestikĩ yuikubaĩmisbuki.

Provérbios 14:5

Tsuãra hawara ikaibu ibubis uĩtanã, txanitxakama yui kayabitirubuki. Hakia tsuãra uiãmabia kaka besti nĩkatã txanitxaka bestimisbuki.

Provérbios 16:28

Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Provérbios 19:5

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txani txakamisbu hatũ txakabuwẽ taeshũ hawa unanuma wakĩ hatu mepãmakĩ pewama ishanikiki.

Provérbios 19:9

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txanitxakamisbunã, hatũ mawa besti manamisbuki.

Provérbios 21:28

Huni txakabubũ hawara uiãma inũ uĩbiai txani besti unaĩbu hatũ dakewẽ taea mawashãkanikiki. Hakia hawara nĩka pewatã unaĩbu unãti wanikabũ hatu yukabu shabakabi hatu kematirubuki.

Provérbios 22:10

Ẽhẽ iki yura betsabuki kashemisbu mae anua tsuãra mã hatu nitxĩshuna ha habe ha iki yupukunãmisbu maĩshãkanikiki, ana hãtxawẽ tsua detenameabumarã.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Mateus 15:19

Hanua eska yurabu haya hatũ xinã uke merã aruabu txakabu xinãkĩ shabakabi tashnimamisbuki, eska tibi xinã meranua shabakabi kaĩkinã, huni betsaki yubakatã tenãkinã, huni betsã aĩ txutãkinã, shebi hayabu txutabaũkinã, yumetsuirã, txani txakairã, yura betsa ha akinã.

Mateus 26:59

hanushũ Deusbe nukunabu hãtxashunika shanẽ ibubu inũ Sinédriobu dasibi itxashũ Jesus hau tenãnũbũ hakiri txakabuhaira yuiaibuwẽ txani hãtxa ikũ keska watã hawẽ unãti watã tenãkatsi benai maniabũ

Hechos 6:13

hanushũ hau Estêvãokiri txani txakatanũbũ parã hãtxa katutã huni betsabu hatu parãmakĩ yuimakĩ: —Na huninã, nukũ Templokiri inũ Moisés nuku yusĩni hãtxakiri yuaĩ hãtxai heneama nũ nĩkaii.

2 Timóteo 2:23

Ha dikabi, unaĩsmapabu kemanamei sinatanamemisbuwẽ taeshũ hatu nĩkayamakubaĩwẽ.

Santiago 3:18

Haska unãnuma mã hatu hiwetãkubainai ha unãnumawẽ taeari yura betsabu unãnepariakĩ shabakabi hatu uĩmariakĩ pe besti mã hatu uĩmakubaĩtirubuki.