Provérbios 3:35 - Kaxinawá Bíblia (BR)

³⁵ Unanepabu duawakĩ itxapabũ hatu kẽwãshãkanikiki. Hakia unaĩsmapabu danãkĩ tsuã hatu kẽwãma ishãkanikiki, hatukiri txakabu besti yui hãtxairã.

Provérbios 3:35 Referencias Cruzadas

Salmos 73:24

Mĩ yusiã pepawẽ mĩ ea tapĩmakubaĩmiski. Txipu mĩ kushipawẽ nai anu ea benimawakĩ mĩ ea ishanaii.

Provérbios 12:8

Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.

Provérbios 13:5

Huni pepabũ txani hãtxa danãmisbuki. Hakia huni txakabubũ hawara atimapa akai uĩ hawẽ dakemisbuki.

Provérbios 13:8

Yumetsubũ hau hatu tenãyamanũbũ mabu itxapayabũ hatũ peiwẽ hatu daewatã hawẽ hiwea piskutirubuki. Hakia nuitapaiburã, tsua hatuki sinatamawẽ taea hawa nĩkama hiweabuki.

Provérbios 4:8

Unanepati miã mĩ betxipaiaya unanepã mia kẽhaira wariashanikiki.

Provérbios 8:5

Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Lucas 14:9

hiwe ibuã mia yunukĩ: “Hanu ikama uani iwe. Hau betsa hanu inũ ukeri shekeshũwẽ”, akĩ mia mebĩkiki. Mia haska wa dakehairai benikaĩ hawẽ henei bashti ishũ mĩ pishanaii.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.