Provérbios 3:27 - Kaxinawá Bíblia (BR)

²⁷ Tsuara hawa hayamatũ merabe mia yukai mĩ ashũtiru hatuki txikishama ashũkubaĩwẽ.

Provérbios 3:27 Referencias Cruzadas

Miquéias 2:1

Namawẽ dikabi txakabu yubakakubainaiburã, peirashãkãwã! Matũ kushipawẽ mã atirubuwẽ taea ha shaba mã akaitiã bestẽtã mã hatu txakabuwakubaĩmisbuki.

Romanos 13:7

Ha inũ, haska tibi governo shanẽ ibũ daya haya tibi ashũkubaĩkãwẽ. Hawẽ merabewati pei hawara mabu bikĩ inũ mae betsa anu piskumakĩ shanẽ ibu hau imposto pakanũbũwẽ. Shanẽ ibu duawai hau haki mesenũbũwẽ. Ha inũ, shanẽ ibubukiri xinã txakama xinã pewakubaĩkãwẽ.

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Santiago 5:4

Haskashanikiki. Nĩkairakãwẽ. Dayakapabu hatu dayamakĩ matũ bai hatu urumakĩ hatu parãkĩ haska wakĩ mã hatu beshpa betximis yuiaibu nukũ Epa Deus kuxipahairatũ hatu nĩkamiski. Ha inũ, matũ yunu matu tsekashũ mãtxĩshũmisbũ haska mã hatu pakama yui matuki ha ikaibu nĩkariamiski, Epa Deusunã.