Provérbios 3:11 - Kaxinawá Bíblia (BR)

^11-12 Hawẽ huni bakẽ kaneaya hawẽ epã tapĩmakĩ yusĩkubaĩmis keska wakĩ tsuabura Senhor Deusũ hatu betxipaiai kaneaibu hatu nemakĩ pewakubaĩmiswẽ taeshũ epaã, mĩ kaneai Senhor Deusũ mia pewakĩ bika tenemaya hawa danãyamakubaĩshãwẽ. Hawẽ kushipawẽ mia yunukubaina hawẽ hãtxa bikabiakẽ nĩkashũkubaĩshãwẽ.

Provérbios 3:11 Referencias Cruzadas

Jó 4:5

Uatiã datema ibiamis natiã miari isĩ tenei hawẽ taea datekĩ mĩ kushipa mĩ ma benuamẽ?

Jó 5:17

Hau hiwei penũbũ yusĩkĩ tsuara Deusũ hatu nemakubaina shinã txãkãmisbuki. Haskawẽ taeshũ Deus kushipahairatũ mia nemai hawẽ hãtxa hawa danãyamawe.

1 Coríntios 11:32

Hakia nukũ Shanẽ Ibũ nukũ yura kupikinã, nuku hawẽ tapĩmanũ, iwanã, nuku akikiki. Nuku kupibiatã ha Jesus ikũwãbumabe nuku tenã kayabiama ishanikiki.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

Hebreus 12:3

Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.