Provérbios 21:28 - Kaxinawá Bíblia (BR)

²⁸ Huni txakabubũ hawara uiãma inũ uĩbiai txani besti unaĩbu hatũ dakewẽ taea mawashãkanikiki. Hakia hawara nĩka pewatã unaĩbu unãti wanikabũ hatu yukabu shabakabi hatu kematirubuki.

Provérbios 21:28 Referencias Cruzadas

Provérbios 12:19

Tsuabũra txanima hãtxa besti yuimisburã, hiwei ikibi ishãkanikiki. Hakia tsuabura txanitxakamisburã, hawẽ hiwea hawaira keyushanikiki.

Provérbios 19:5

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txani txakamisbu hatũ txakabuwẽ taeshũ hawa unanuma wakĩ hatu mepãmakĩ pewama ishanikiki.

Provérbios 19:9

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txanitxakamisbunã, hatũ mawa besti manamisbuki.

Provérbios 6:19

huni betsã txakabuwashu hatũ hawa uiãmabia txanitxakai shanẽ ibuki txanimisbu inũ, betsabu hau sinatanamenũbũ hatu txaniwẽ parãmisbu habu dasibirã, hatuki sinatakĩ Senhor Deusũ hatu kupishanikiki.

Hechos 12:15

hawẽ hãtxa ikũwãma habũri yuikĩ: —Hamabiakẽ mĩ humei ikaii— akabu —Ẽ txanĩwaĩ ikai dabanẽ mã ikaii. Haskamaki— ikaya habũ ana yuikĩ: —Hamaki. Hatũ mekea hawẽ nai tsuma mĩ nĩkatanamẽ ikai?— ikaibũ

2 Coríntios 4:13

Haskakiri Davĩ kenekĩ: “Deus ikũwaĩ hakiri ẽ hãtxakũkainaii”, ini keskai nukubũri Deus ikũwãriai hawara nũ ikũwaĩ nũ hakiri yui hãtxariakũkainaii.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.