Provérbios 21:24 - Kaxinawá Bíblia (BR)

²⁴ Hawẽ unanepa inũ hawẽ tapinika hãtxawẽ keĩ betsabuki kashekĩ hatu kenamamisburã, “Ha huni hamẽ uĩbaĩ yui txitenamei hãtxa bestimiski”, akĩ yuimisbuki.

Provérbios 21:24 Referencias Cruzadas

Salmos 1:1

Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 16:18

Ha dukũ kanei ibubis kẽkũkainaiwẽ taearã, txipu txakabu dasibi hukĩ beshte keyushanikiki.

Provérbios 18:12

Ha dukũ kanei ibubis kẽkũkainaiwẽ taearã, txipu ana hawa hayama keyushanikiki. Hakia ibubis keĩsmarã, txipu hawẽ hamapai hawẽruawai shabakabishanikiki.

Provérbios 19:29

Huni txakabu hatũ yusiã nĩkama hatuki kashemiswẽ taea hawẽ kushati hi ma haki tana hayamisbuki. Huni tatimarã, kushakĩ pekushtxakayamati peki.

Provérbios 3:34

Habu kashekenãmisbu Senhor Deusri hatuki kasheriamiski. Hakia hawa keĩsbuma Senhor Deusũ hatu duawakubaĩmiski.

Provérbios 6:17

Ibubis kẽmisbu inũ, txanitxaka bestimisbu inũ, hawa txakabuwamabiakẽ hatũ mekẽwẽ hatu tenãmisbu inũ,

Habacuque 2:5

Huni kenikaburã, hawẽ hatu yunuti kushipa ana hayakatsis ikĩ benamisbuki. Haska kushipawẽ parananãbiai hawa huĩrukuãma benabauni hawẽ yunuti kushipa ana itxapa hayakatsis imisbuki. Mawabu hatu maiwamisbu keska wakĩ ha kẽmisbu hashpashũ hatu shea keska wakĩ yura betsa betsapabu tibi hatu atxitã ibuwanũ ishũ shinãkĩ hawa hatu henetirubumaki.

Mateus 2:16

Hanua Herodes bixi unãnikabũ parãbaĩxinabu ana beabumakẽ Herodesĩ unãtã sinatahairakĩ haska bixi unãnikabũ yuibaĩxina huni bake bari dabeyariabuma inũ bari dabeyabu hau dasibi hatu detekĩ tenãtanũbũ hawẽ soldadobu yunua Belém inũ ha dapi hiwebaunabu anu bushũ detekĩ tenãkĩ keyunibukiaki.