Provérbios 21:2 - Kaxinawá Bíblia (BR)

² Hunibũ hawara watã shinãkĩ; “Dasibi ẽ pe washuki”, iwanã, yuibiakubainaibũ hakia hatũ shinã uke merã Senhor Deusũ uĩkĩ hatu unãti wamiski.

Provérbios 21:2 Referencias Cruzadas

Jó 31:6

Ẽ pepahaira wamis ea unãti wakĩ Deusũ besti hawẽ balançawẽ tana keska wakĩ ea tanakĩ pewashanikiki. Haska ea tanatã ẽ pepakẽ ea unãshanikiki.

Provérbios 12:15

Yusiã nĩkaisma unaĩsmapaburã, dasibi hawara akubainai: “Ẽ pe hiweaki”, ishũ shinãkubaĩmisbuki. Hakia huni unanepabunã, huni betsã hatu merabewakĩ pe yusiaĩbu nĩka pewakubaĩmisbuki.

Provérbios 16:2

Hunibũ shinãkĩ ibubis bemakis aki: “Ẽ pewaii”, iwanã, shinãkubaĩmisbuki. Hakia Senhor Deusũ hatũ shinã uke merã parananaĩbu hatu unã keyumiski.

Provérbios 16:25

Haska hatũ hiwea bai pe dabanẽ txibãkubainaiburã, habũ hiwea hawẽ heneaitianã, hatu kupia mawa bestishãkanikiki.

Provérbios 17:3

Ouro mane inũ prata mane has unanũ, iwanã, txiwẽ kuakĩ unãmisbuki. Haska keska wakĩ hunibũ shinã pepa inũ txakabu Senhor Deusũ unãti wakubaĩmiski.

Provérbios 20:6

“Hatube yubakatã betsa wama ẽ menemiski”, iki itxapabu hãtxabiamisbukẽ txanima tsuã haskatã menetirubumaki. Haskawẽ taeshũ hunĩ hawara akĩ menemis benakĩ tsuã hania betxitirubumaki.

Daniel 5:27

Ha TEQUEL hãtxarã, Deusũ hawẽ tanatiwẽ mĩ shãkama mia tanairã, mĩ hawa pemaki.

Lucas 16:15

Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,

Gálatas 6:3

Haskakẽ tsuãra hatu merabewamis xinaĩ hawẽ pepakiri hãtxamisburã, kanei keĩ ibubis parananãmisbuki.

Santiago 1:22

Deusũ hãtxa Cristokiri kakaperã, bemakis besti nĩka bestiama haska hãtxa mã nĩkai keska ha hãtxa nĩkatã akubaĩkãwẽ. Hamẽ haska mã hãtxa txibãmarã, nĩkabiai ibubis mã parananã bestitirubuki.

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.

1 Samuel 16:7

hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka