Provérbios 21:12 - Kaxinawá Bíblia (BR)

¹² Deus pepatũ huni txakabubu inũ hawenabu hatu uĩkubaĩmiski. Hanushũ ha huni txakabubu hatu kupikinã, hatu nuitapawamiski, ana hawa pepa hayama hatu wakinã.

Provérbios 21:12 Referencias Cruzadas

Gênesis 19:29

Hanushũ ha maewã dabe inũ hawẽ napãpa menukĩ yamawariama Abraãokiri shinaĩ hawẽ nuikĩ Deusũ Ló hawẽ kupiti txakabuwẽ kupiama pashawashunikiaki, ha mae anuarã.

Jó 5:3

Huni betsa mabu paipaimayakĩ hatu binuai ẽ uĩmiski. Hakia txipu ha huni unaĩsmapa hawenabube hiwea hawaira dasibi habu yamai keyuimabuki.

Jó 8:15

Tsuabura unanuma hiwekĩ mestẽwãkatsis ibiai hawa kushipa hayabumaki, basnẽ purũ yumẽ beshea kushipama keskaburã.

Provérbios 13:6

Huni duapabu hatũ pepawẽ mekemisbuki. Hakia hunĩ txakabuwakubaĩmisbu hatũ txakabuwẽ keyui yamamisbuki.

Provérbios 14:11

Huni txakabubũ enabu txakabuwakĩ yamawashãkanikiki. Hamẽ huni duapa nuikipabũ enabu pe hiwei pakubaĩshãkanikiki.

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Amós 4:11

Ana yuikĩ: “Haska Sodoma inũ Gomorra nawabu ẽ hatu kupini keska wakĩ matu txakabuhairawakĩ matu yamawabiakĩ ẽ matu keyuama ikũkainimaki, karu menui keyui tsistekainai anua matu neshekĩ akawakinã. Hakia ẽ matu haska wabia hawa shinã betsa watã ea shinaĩ ea anu mã txĩtuãma ikubainimabuki”, akĩ Senhor Deusũ hawẽ hãtxa txanima mestẽwanikiaki.

1 Coríntios 10:5

Haska wakĩ Deusũ nai anua pitiwẽ inũ ũpashwẽ hatu duawabia hawẽ hãtxa nĩkabumawẽ taeshũ eskarabes pepabu danãmabia itxapabuki sinatakĩ hanu hiweabumanu hatu ima atãbaunaya Egito anua kaĩnibu huni ewabus debui keyukubainibukiaki.