Provérbios 2:7 - Kaxinawá Bíblia (BR)

⁷ Tsuãra hawa kaneama inũ hawa txanitxakama pepa besti hiwekũkainairã, Senhor Deusũ merabewakĩ hatu mekekubaĩmiski.

Provérbios 2:7 Referencias Cruzadas

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Provérbios 14:8

Huni pepa unanepatunã, haska pe hiwetiru bebũkiri unanepakĩ unãkubaĩmiski. Hakia unaĩsmapa pe hiwetiruma ibubis parananãmisbuki.

Provérbios 8:14

Txakabu unãti wanika inũ pepa unãti wanika kushiparã, ẽ ea bestiki. Ẽ unã keyuaiwẽ taeshũ bebũkiri hawara ẽ akatsis ikai yubakatã ẽ akubaĩmiski.

1 Coríntios 1:19

Haskakẽ ha yurabukiri yuikĩ hawẽ hãtxa yuishunika Isaías Deusũ yuikĩ: “Habu unãnepabu unaĩsmapa keska wakĩ, dasibi tapĩkĩ kaneisbuma unãriama keskabu ẽ hatu washanaii, hawarawẽ unãnepamis hawauma keska wakinã. Manayuwe”, aka nuku keneshuniki.

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

Colosenses 2:3

Eskaki, matu yuinũ xinaĩrakãwẽ. Hawẽ unãnepati pepa inũ hawẽ tapĩti dasibirã, Cristo anu hayaki, haska Deusũ hakiri hunenirã.