Provérbios 19:14 - Kaxinawá Bíblia (BR)

¹⁴ Hiwe pepa inũ mabu sharabu hatũ ibubu anua bimisbuki. Hakia aĩbu unanepa Senhor Deusũ besti hatuki nukumakubaĩmiski.

Provérbios 19:14 Referencias Cruzadas

Provérbios 13:22

Huni pepabu mawakĩ hatũ yusiã pepa inũ mabu pepa hawẽ bababu heneshũbaĩmisbuki. Hakia hunĩ txakabuwamisbũ mabu itxapa itxawashinarã, mawaya huni pepabũ bikĩ ibuwashãkanikiki.

Provérbios 18:22

Tsuãra aĩbu pepa biarã, hawẽ taea pepa besti hayakũkaĩshanikiki. Senhor Deusũ hawẽ mia duawakatsi hawẽ pepa mia uĩmakubainikiki.

Provérbios 3:6

Hawara dasibi Senhor Deusũ betxipaiai shinãkĩ mĩ akubainaya Senhor Deusũ mia tapĩmakĩ hawẽ bai pepa mia yusĩkubaĩshanikiki.

2 Coríntios 12:14

Dabeki ẽ matu yusĩtanima samama ana matuki banũ ika ẽ kakatsis ikĩ ẽ matukiri ana xinãtanaii. Hakia haska bakebu yumeriabumã hatũ hamapai xarabu hatũ ibubu mekeshuĩsma hakia ibubũ hatũ hamapai hatũ bakebu mekeshũshũ hatũ hawara bishũmis keskakĩ eã dukũ Cristokiri ẽ matu yusĩtani ẽ matũ ibuki. Matu haska wakĩ ẽ bakebu keska ẽ matu aniwẽ taeshũ matũ hamapai ẽ matu mẽkatsis ikamaki. Hakia mã Cristoki dasiabũ ẽ yusĩa ikũwãkĩ txibãmisbũ mã ekiri xinãtiruki. Haskawẽ taea Cristo besti mã txibanũbũ ẽ matu ana yusĩ kakatsis ikaii.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.