Provérbios 19:13 - Kaxinawá Bíblia (BR)

¹³ Tsuãra huni bake hawa unãma unaĩsmapatũ hawẽ epa bika tenemakubaĩmisbuki. Aĩbũ hawẽ bene ha a txakayamakĩ hiwe txakamamisrã, hiwe shui anu ui tuis tuis ikũkaĩmis keskaki.

Provérbios 19:13 Referencias Cruzadas

Provérbios 10:1

Salomãonẽ unanepa hãtxa nĩkakãwẽ. Hawẽ bake unanepatũ hawẽ epa benimawamisbuki. Hakia hawẽ bake nĩkaismatũ hawẽ ewa kashamakĩ punu nuka wamisbuki.

Provérbios 15:20

Bake unanepabũ hatũ ibubu benimawamisbuki. Hakia bake unaĩsmapabũ hatũ ibubu danãkĩ hatu dake wamisbuki.

Provérbios 17:17

Hawẽ haibu kayabitũ hawa heneama betxipaimisbuki. Hawẽ betsa kayabi keska wakĩ hanu bika teneaitiã merabewakubaĩmisbuki.

Provérbios 17:21

Huni betsã bake waima hawẽ bake betsa unaĩsmapatunã, hawẽ epa nuimakĩ bika tenemashanikiki. Ha bake tatimatũ hawẽ epa hawa benimawamatirumaki.

Provérbios 17:25

Bake unaĩsmapatũ hawẽ epa sinatamakĩ hawẽ ewa huĩti nishma wakĩ danãmamiski.

Provérbios 21:19

Hawẽ aĩ hawaira sinatai ha itxakayamakũkaĩmisbe habe hiwearã, bikaki. Haska binuirã, hari tsua hiweabuma anu ana bikama hiwekũkaini haska peki.

Provérbios 21:9

Hiwe ewapa hawẽrua anu hiweshũ aĩbũ hawẽ bene ha a txakayamakĩ hiwe txakamamisrã, haska hiwea pemaki. Hamẽ ha binumai huni betsã hiwe manaũri tsuara deshũ betsa ewapama anu ha mesti haskanu hiwea peki.